కలిసుందాం..

నమ్మకూడదు అనుకుంటూనే నిన్ను నమ్ముతూ
సమాధానంలేని ప్రశ్నవని తెలిసి కూడా ప్రశ్నిస్తూ
అంతరంగంలో అన్నీ నీవనుకుని పైకి ఏం కావని
నా ప్రతీఅడుగులో నీవున్నావని జీవించేస్తున్నాను!

ఎదపై సేదతీరుతుంటే గుండె నిబ్బరమనుకుంటూ
లేనిపోని ఆశయాలెన్నో మనసు నిండా నింపేస్తూ
ఆలోచనలు అన్నింటినీ నువ్వే దొలిచేస్తుంటే బేలనై
నువ్వు నా రేపై మిగులుతావంటూ బ్రతికేస్తున్నాను!

ఎప్పుడూ వెన్నంటి ఉంటానన్న నీ బాసని స్మరిస్తూ
చూసుకుంటే నా ప్రక్కన లేని నీ పై ఆవేశపడుతూ
ఎందుకు స్వార్థం వలలో బంధీవైనావని ప్రశ్నించలేక
నా మదికి సమాధానం చెప్పలేక తల్లాడుతున్నాను!

విడిపోవడానికే కలిసామన్న వాస్తవాన్ని రావద్దంటూ
లేని ఢాబుని కన్నీటి పై కప్పి అజమాయిషీ చేస్తూ
ఇలా కల్సి అలా విడిపోయే కనురెప్పలని ఊరడిస్తూ
ఎప్పటికీ కలిసుండే వరమియ్యమని అడుగుతున్నాను!       
     

  

20 comments:

  1. కనురెప్పలని శాశ్వితంగా కలిసిపొమ్మని ఇంత నిర్దయగా ఎలా చెప్పగలిగారు ప్రేమార్పితగారూ.
    అదే జరిగితే ఇంక కలవడం ఏమిటి కనుమూయడమే కదండీ.

    ReplyDelete
  2. చేసిన బాసలు కన్న కలలు ఎంత నిర్దాక్షిణంగా మోసం చేసినా మరీ ప్రాణం విడవడం సబబు కాదు.

    ReplyDelete
  3. చివురులు తొడిగే ఆశ
    ఊపిరులు ఊదే శ్వాస
    కనుల కొలనులో కలల ఊట
    మంచిని పెంచే మాటల మూట
    తరగని గని కాదా జీవికి
    తెలుపవా అవి వాటి ఉనికి

    ~శ్రీత~

    ReplyDelete
  4. నువ్వు నా రేపై మిగులుతావన్న ఆశతో ప్రతి నిశీధిన నీ వుషస్సుల వుషోదయానికై ఎదురుచూస్తునే వున్న...

    ReplyDelete
  5. ఎప్పటికీ కలిసి ఉండేలా కనురెప్పలు కలిసిపోవడం ఆర్దత వాక్యాలు

    ReplyDelete
  6. very deep touching lines

    ReplyDelete
  7. మేడంజీ ఇక ఇలాంటివి వద్దు.

    ReplyDelete
  8. నమ్మకూడదు అనుకుంటూ నమ్మడం
    తిట్ట కూడదు అనుకుని తిట్టడం
    వినకూడదు అనుకుని చెడు వినడం
    చేయ కూడదు అనుకుంటూ పాపం చేయడం
    తప్పని పని నేటి తరానికి హెచ్చరిక.

    ReplyDelete
  9. Kisee pe itna yakheen math karna didi.

    ReplyDelete
  10. చివరిన ఆర్ద్రతగా ముగించారు.

    ReplyDelete
  11. super touch lu istaru mee poems lo.

    ReplyDelete
  12. మనసొక మధుకలశం
    పగిలే వరకే అది నిత్యసుందరం...

    ReplyDelete
  13. ప్రణయంకి పర్యవసానం ఇదికాదు.

    ReplyDelete
  14. ఆలోచనలు అన్నింటినీ నువ్వే దొలిచేస్తుంటే... :(

    ReplyDelete
  15. ఈ మనసు అన్నది ఉంది చూసారు...చెప్పింది వినదు దానికి తోచింది అది చేసి మనల్ని రాసి రంపాన్న పెడుతుంది 😃

    ReplyDelete
  16. అంతం లేని వేదనకు ఆనకట్ట వేయడము
    ఎవరి తరమూ కాదూ..............

    ReplyDelete
  17. నువ్వు నా రేపై మిగులుతావంటూ బ్రతికేస్తున్నాను! మీరే వ్రాయగలరు.

    ReplyDelete
  18. నమ్మకూడదు అనుకుంటూనే నమ్ముతాను...
    ఇలా చేసినా కూడా ఇష్టమే అనిపిస్తుంది ఇష్టమైన వారిపై ఇదేమి మాయనో వలపుది.

    ReplyDelete
  19. శాశ్వత నిద్రను వరముగా కోరుకోవడం అపచారం అర్పిత.

    ReplyDelete
  20. అందరికీ అర్పిత అభివందనములు _/\_

    ReplyDelete