ఆ అనుభూతులు

గుర్తుందో లేదో నీకు అలనాటి సంధ్యవేళ
నీరెండ కులుకుల్లో నీ మాటలు మెలిపెట్ట
విడిపోలేని మన శ్వాసలు చేసిన బాసలు
చురుక్కుమన్న నీ చూపుల చమత్కారంతో 
మనసాయె చెమక్కులు కావు నీ జిమిక్కులు!

గమనించావో లేదో ఆనాటి సద్దుమణిగినవేళ
అల్లుకున్న వలపుల్లో అయిన అధరాల గాట్లు 
నీవు చేసిన అల్లరికి కందిన తనువు వంపులు
వేడి తాళలేక విచ్చుకున్న కోరికల కవాటాలతో
సాగిన రాసలీలకి కుళ్ళుకున్న వెన్నెల సెగలు!

గిలిగింత జ్ఞాపకముందో లేదు నాటి పొద్దువేళ
జాగారం చేయించి జారుకోమాకని నడుం గిల్లి
దాహం తీరలేదని తడిమిన తిమిరపు లోయలు
లేవబోవ బాహువుల బంధిట్లో పరస్పర రాపిడ్లతో
సన్నగా మూల్గి సిగ్గుతో ఒదిగిన సరస సరాగాలు!

గడిచిన గతం మరలి వచ్చునో లేదో తెలియనివేళ
ఆ తీయని తలపులే తుమ్మెదలరోదనై జివ్వుమన
బంధించలేని అలసిన మనసు చేస్తున్న అలజడులు
స్మృతుల ప్రవాహాన్ని గతకాలపు కలల సాగరంతో 
సంధి చేయలేక నెమరేసుకునే మధురానుభూతులు!

44 comments:

  1. అంత త్వరగా తీరిపోయెనా అనుభూతులు. అయినా మీరు ఏం చెప్పినా ఏదో నిగూఢ అర్థంతో చెబుతారు. ఇందులోని మర్మం ఏమిటో మీరే చెప్పాలి మరి....

    ReplyDelete
    Replies
    1. ఆ అన్వేషణ ఇంకా పూర్తికాలేదుగా చెప్పడానికి...

      Delete
  2. అన్నీ సక్రమంగా జరిగతే అందమైన అనుభూతులు లేదంటే నరకం☺

    ReplyDelete
    Replies
    1. థ్యాంక్యూ...అంతేనేమో.

      Delete


  3. అలనాటి సంధ్య వేళన
    చెలికాడి సరసపు లాట చేసిన సెగలన్
    వలపుల దోచిన తొలి వే
    ళల వయ్యారము గుసగుసలాడె జిలేబీ

    జిలేబి

    ReplyDelete
    Replies
    1. మరోసారి జ్ఞప్తికి...:-) థ్యాంక్సండి.

      Delete
  4. శృంగార అనుభూతులు తలచిన కొలదీ మధురాతిమధురం.

    ReplyDelete
  5. awesome sweet memories to remember padma. you are so lovable.

    ReplyDelete
  6. జాగారం చేయించి జారుకోమాకని నడుం గిల్లి
    దాహం తీరలేదని తడిమిన తిమిరపు లోయలు మొత్తానికి చెలికాడు సో రొమాంటిక్ అన్నమాట:)

    ReplyDelete
    Replies
    1. థ్యాంక్యూ మార్కండేయజీ..

      Delete
  7. చెప్పకనే చెప్పబడినవి అవి మధురానుభూతులని . చిత్రంలో జీవకళ ఉట్టిపడ్తున్నది ఎప్పటిలాగే .

    ReplyDelete
    Replies
    1. మీ అభిమాన వ్యాఖ్యల ప్రోధ్బలం. ధన్యవాదాలండి శర్మగారు.

      Delete
  8. మోహాల సెగదాకి ముంజేతి మురుగులు
    కనకన వేడెక్కె గడుసు వాడ !
    నెట్టన కడియాలు పట్టుట లేదురా
    రెట్టలు బరువాయె ప్రియ సఖుండ !
    నుదుటి సింధూరము మదిలోకి దిగజారి యొల్లంత తమి రేగె అల్లరోడ !
    కంఠహార మెదను తంటాలు వెట్టెడు
    ఊపిరాడుట లేదు రూపు రేడ !

    సంధ్య వేళకె వినువీధి చాటు చేరి
    పగలె రేరాజు వొడమెను , పాడు బుధ్ధి
    ఏలరా వీడి కిపుడు నన్నేలు వేళ ,
    అంతు తేలదేమిర ? మధురానుభూతి .

    ReplyDelete
    Replies
    1. మీ పద్య జగతికి ముందు నా రాతలెంత చెప్పండి. అభివందనములు.

      Delete
  9. అధరాల గాట్లు
    అల్లరికి కందిన తనువు వంపులు
    వేడి తాళలేక విచ్చుకున్న కోరికల కవాటాలు
    రసవత్తరంతో సాగిన వలపుజరికి మేను పులకరించెను.

    ReplyDelete
  10. మాంచి రసపట్టుతో సాగిన అనుభూతులు,ఇంతకూ రసాధరుడు ఎవ్వరు ఏమా కధ కొంచెం వివరించుము.

    ReplyDelete
    Replies
    1. మీరు ఆస్వాధించడాన్ని బట్టి కదా :-) థ్యాంక్యూ.

      Delete
  11. తిరిగిరాని అనుభూతులని నిరుత్సాహపడి మమ్మల్ని నీరుగారిస్తే ఎలా మాడంగారు? మమ్మల్ని మరింత ఉత్తేజ పరచాలి. హా హా హా

    ReplyDelete
    Replies
    1. థ్యాంక్యూ ఎప్పుడూ ఉత్సాహపరచలేం కదా :)

      Delete
  12. గడిచిన గతం మరలి వచ్చునో లేదో తెలియనివేళ
    ఆ తీయని తలపులే తుమ్మెదలరోదనై జివ్వుమన
    బంధించలేని అలసిన మనసు చేస్తున్న అలజడులు aasa repe madhurohalu.. meke sontam ila rayadam.. abhinandanalu

    ReplyDelete
    Replies
    1. థ్యాంక్యూ వర్మగారు...మీ ప్రేరణలే రాయిస్తున్నాయి.

      Delete
  13. ఓహో ఎంత మధురం ఈ అనుభవాలు అనుభూతులు.

    ReplyDelete
  14. రమ్యం మీ అనుభూతులు.

    ReplyDelete
  15. గిట్ల గడియకో పారి కలవరించుకుంటే ఎట్లైతది :)

    ReplyDelete
    Replies
    1. ఏం చేసేది తప్పదు :)

      Delete
  16. లేవబోవ బాహువుల బంధిట్లో పరస్పర రాపిడ్లతో
    సన్నగా మూల్గి సిగ్గుతో ఒదిగిన సరస సరాగాలు!
    ప్రేమ అనుభూతిని ఆస్వాదించే విధంగా వ్రాసి ఆనందాన్ని ఇచ్చారు.

    ReplyDelete
    Replies
    1. థ్యాంక్యూ నందిని...

      Delete
  17. అందమైన గతస్మృతులు ఎప్పుడూ అనుభూతులుగా మిగిలిపోతాయి పద్మా. తప్పదు గుర్తొచ్చినప్పుడు నెమరు వేసుకోవడమే మరి :-)

    ReplyDelete
    Replies
    1. అలా నెమరువేసుకునేవే జ్ఞాపకాలు కదండీ..

      Delete
  18. మీ అనుభూతులతో తడిపి ముద్దచేసారు.

    ReplyDelete
  19. ప్రేమైక జీవన అమాయక మైకపు కునుకుపాట్లు....సరస శృంగారాధనాభరితం.... సూపర్

    ReplyDelete
  20. మధురాతి మధురం.

    ReplyDelete
  21. గడిచిన కాలం తిరిగిరాదు కనుకనే ప్రెసెంట్ డేస్ ఎంజాయ్ చేయాలి మాడం. గతించిన కాలాన్ని తవ్వుకుని ఏం లాభం చెప్పండి.

    ReplyDelete
    Replies
    1. ఎంజాయ్ చెయ్యాలంటే ఎనర్జీ కూడా కావాలి :)

      Delete
  22. గడిచిన అనుభూతులు జ్ఞాపకాలు అద్భుతమంటూ శృంగారాన్ని జోడించి చక్కటి చిత్రాన్ని జతచేసి అందించావు-హరినాధ్.

    ReplyDelete
    Replies
    1. మీ వ్యాఖ్యలకు ధన్యవాదాలండి.

      Delete
  23. Nice poetry.
    No postings.

    ReplyDelete