అమ్మో! ఇలా నా వీక్ పాయింట్స్ చెప్పుకుంటూపోతే ఈ బక్రీద్ నాడు ఇవ్వాల్సిన పార్టీని న్యూ ఇయర్ నాటికి ఇస్తానని నాకు మాత్రమే తెలుసు. అందుకే చకచకా తొంభైతొమ్మిది మంది మెంబర్స్ ని మదిలో స్మరించుకుని అందరినీ పలుకరించే టైం లేక పార్టీలో పలుకరింపుతో పాటు పద్యమొకటి పద్మ అర్పించక పోదా....అది విని బ్లాగ్ మిత్రులంతా పరవశించి పోరా అన్న ధీమాలో పార్టీ లుక్ కోసం నేనే రంగులద్ది మీకు కన్నులపండుగ గావించాలని కుంచెని, కాగితాన్ని కిచెన్ లోకి తీసుకుని వెళ్ళి ఎడమ చేత్తో ఖీర్ మిక్స్ ని కలిపేస్తూ కుడి చేత్తో కుంచెని రంగులో అద్ది తిప్పేస్తుంటే.......చిత్రం అబ్బో అదిరిపోద్ది, నా పాయసం టేస్ట్ పడిపోద్దనుకున్న పాలు పొయ్యిమంట సహాయంతో పొంగిపొర్లి పేపర్ నంతా తడిపి తరించాయి. పాలులేని పాయసం పేస్ట్ లా మారింది, పేట్రేగి పోయి పార్టీ ఇస్తాను, స్వయంపాకం చేస్తానని ప్రేలాపనలకి పోయి ప్యారడైజ్ హోటల్ నుండి బిరియానీ ఫ్యామిలీ ప్యాకెట్స్ తెప్పించి గిన్నెలో బోర్లించి దమ్ముకెట్టి మీ ముందు నేనే చేసిన ఫోజు కొడదామనుకున్నా.......
ఈ గోడు ఎవరికైనా వెళ్ళబోసుకుంటేనే కాని తీరదని నా నూరవ బ్లాగ్ మెంబర్ కి చెప్పుకుందామంటే పేరునే "తర్కం" అని పెట్టుకుని నన్ను భయపెడితే తికమక పడి దానికన్నా మీ అందరితో తిట్టించుకుంటే జ్ఞానమైనా వస్తుందని ఇలా మీ ముందు మోకరిల్లాను.
ఇంతకీ పార్టీ ఎందుకని మీరు అడకపోయినా చెప్తానండి.....ప్యార్ సే పార్టీ అంటే మీరు రీసన్ అడగరనుకోండి అయినా మిమ్మల్ని అందరినీ కలవాలన్న కోరిక దానికి రీసన్ వెతికితే దొరికింది నా "బ్లాగ్ మెంబర్స్ 100" కి చేరారని.....
తెలిసింది కదాండి.....ఇంక ఆగకండి, దీని మూలంగా నీకు అర్థమైంది ఏమిటి పద్మార్పితా.... ఎవరు చేసే పని వారు చేయాలనో లేక వందమందిలో కనీసం 100% అయినా సంప్రదించాలనో, నాన్ వెజ్ తినని వాళ్ళు సంతోషంగా, తినేవాళ్ళు అంతంది ఇంతంది ఆఖరికి ఆకలితో మాడ్చిందనో నన్ను నాలుగు దులిపి మీతో పాటు ఇంకో 900 మందిని మెంబర్స్ గా చేర్చి వాళ్ళతో కూడా అంక్షింతలు వేయించుకోవాలని చిన్ని చిట్టి ఆశ అంతే:-)
