అప్పుడేగా నన్ను నువ్వు కలుసుకోవాలనుకుంటావు
సమయం చూసి వీలుంటే పలుకరించుకుంటూ ఉండు
అప్పుడే నువ్వు నాకెంత ప్రత్యేకమో తెలుసుకుంటావు
అవకాశం దొరికితే నిన్నునీవు ప్రశ్నించుకుంటూ ఉండు
అప్పుడప్పుడూ ఆ ప్రశ్నలకు జవాబు నన్నడుగుతావు
మన మధ్య లింక్ తెలుసుకునే ప్రయత్నమేదో చేస్తుండు
ఆత్మని ఆత్మతో తాకినప్పుడు నువ్వా యత్నం చేయవు
కాలం మారినా సమయంలేదని వంకలు వెతుక్కోకుండు
కాపురానికి కల్యాణం కానీ మనసు కలయికవి అడ్డవవు
నీకు నేను ఏమీకాను ఇది నూరుశాతం సత్యమై ఉండు
ఏమైనా నన్ను నీవు తిరస్కరించే సాహసము చేయలేవు
నా వలన బాధాలేదు సంతోషం కూడా నీకు కలగకుండు
అలాగని మన జ్ఞాపకాలను కాల్చి బూడిదైనా కానీయవు
ఎంతో ఎడమై దూరంగా ఉన్నా ఎడబాటుసెగ రగలకుండు
బహుశ భావానుభూతులు ఎప్పుడు విడాకులు తీసుకోవు
ఈ జీవితానికి శాంతి సంరక్షణ నీవని తెలుసుకుని ఉండు
నన్ను కలవలేక నిన్ను నీవు కలుస్తూ నన్ను కలుస్తావు!
