విప్పేసుకుందాం..

వేళ్ళ మధ్యన చిక్కున్న వ్యామోహపు సున్నిత దారాలను
హడావిడిగా తీయాలన్న తపనతో గట్టి ముడులేస్తున్నాం

విప్పే ఓపికలేక కత్తిరించబడి ముక్కలైపోయిన ప్రశ్నలను
చెప్పింది వినక చెప్పనివి వినేసి హైరానా పడిపోతున్నాం

మునుపు మనసులకీ నిర్లక్ష్యపువైఖరి లేక కిమ్మనకుండెను
ఇప్పుడు కనుసైగలతోనే అబద్ధాలని నిజాలు చేసేస్తున్నాం

పరిమళాలు అద్దిన ఎన్నో వాసనలేని కాగితపు పువ్వులను
పంచకనే శరీరానికి ఊపిరి అందించనట్లు విసిరేస్తున్నాం

మోహపు గూటిలో అనుకోక ఇచ్చి పుచ్చుకున్న ఆత్మలను
తప్పొప్పుల తులాభారంలో సరిసమానంగా తూగుతున్నాం

పగలు రేయిలాంటి నువ్వు నేను సాయంత్రం కలుసుకుని

ఎవరి దారిన వారే వలపులో కూరుకొని విడివాడిపోతున్నాం!