ఈ కలలుకనే కళ్ళని ప్రేమించే వారే
కైపెక్కించే కళ్ళని కవితలు అల్లేవారే
కనపడని కన్నీటిని తుడిచేవారే లేరే!
ఈ పెదవి పలికే ముత్యాలు ఏరేవారే
ఈ పెదవి వంపు మెరుపు చూసేవారే
తడారనీయకంటూ పెదవి తాకబోతారే
పంటితో పెదవి అదిమిన భాధని కనరే!
ఈ నల్లనికురుల నిగారింపు గాంచెదరే
ఈ పట్టుగిరజాలకై గింగిర్లు తిరుగుతారే
సవరించబోతూ సన్నగాగిల్లి సైగచేస్తారే
కారుమబ్బు కురుల కసిని కోరికంటారే!
