కాదు కూడదనే రాముడున్న కాలంలో...
కట్టుబట్టలు కూడా కొనివ్వక ఉండమంటే
ఉండను ఉండలేనని సీతంటే మాత్రం తప్పేంటి
రాయల్ ఫ్యామిలీ రావణుడే నచ్చెనని అంటే
బరితెగించిన ఆడది అంటూ తగని నిందలేంటి!
వేణుగానం విని మాధవా మోహించినానంటే
పదహారువేల అతిసుందర ప్రియసఖులలో...
ఆమె స్థానం ప్రేమలో తప్ప పైకంలో లేదంటే
నువ్వు కాకపోతే నీలాంటి వారు నలుగురని
తనని మెచ్చిన వారిని రాధ వెతుక్కుంటానంటే
మోహించిన మోసగత్తె అంటూ బిరుదు ఎందుకని!
వరించి వివాహమాడినోడి స్టైల్ చూసి సంబరమంటే
మీసాలగెడ్డాల మగతనమే చూపి మందుమత్తులో..
కొట్టింది కాక సవతిని వెంటపెట్టుకొచ్చే శివుడుంటే
చీకిచిరిగిన సంసారానికి అతుకులేసినా అతకదని
విడిపోయి వేరొకరితో వెళ్ళి కాపురం ఉంటాననంటే
వెలయాలిగా మారినావంటూ వెకిలి మాటలేంటి!?
