అంతరాత్మా..."ఐ లవ్ యూ"

నాలోనే దాగిన స్వార్థ ప్రలోభ ప్రేతాత్మా
నా నుండి నన్ను లాక్కున్న భూతమా
మంత్రమేసి మాయచేసిన మార్జాలమా
పుర్రెలో గుజ్జునే పీక్కుతినెడి పిశాచమా!


నా ఆలోచల్ని ఆత్మలకిచ్చి ఆడుకోమని
నాదేహం పరులకై ప్రేతాత్మగా మారమని
మట్టిలో కలిసి పిండమై కాకినే తినమని
నన్నే మార్చిన నువ్వే ప్రియదెయ్యమని!


నా ఆత్మవే అయినా నిన్ను ఆలింగనమిడి
అసలుసిసలు అందవికారివైనా నే ముద్దిడి
ఆత్మలో ఆత్మనై ఆత్మల నడుమ అడుగిడి
ఎలుగెత్తి అరుస్తా అంతరాత్మా ఐ లవ్ యూ!

17 comments:

  1. ఏంటేంటి...
    మీ అంతరాత్మకి మీరే ఐ లవ్ చెప్పేసుకుంటే. మిగతా ప్రేమించేవాళ్ళ మాటేమిటి మాహారాణీగారు.

    ReplyDelete
  2. వ్యావ్ ఏం వాడిగా సూటిగా గుండెల్లోకి దూసుకుపోయే ముచ్చట చెప్పినారు. ఐ లవ్ యూ టూ

    ReplyDelete
  3. ఎవరి పనులు వారే చేసుకోవాలి అనేది పాతనానుడి
    ఎవరిని వారే ప్రేమించాలి అనేది పద్మార్పిత ఒరవడి..

    ReplyDelete
  4. మీ మనసు ఇంత నిస్వార్థమైతే
    నేను కూడా I LOVE YOU :-)

    ReplyDelete
  5. స్వార్థ ప్రలోభ కొత్త పద్మ బాగుంది పద్మగారు. ఆత్మలని సైతం ఆలింగనం చేసుకుంటారు.

    ReplyDelete
  6. అంతరాత్మా ఐలవ్యు... అంటూ అంతరంగావిశ్కరణ చేసిన మీ శైలి అద్భుతం! అమోఘం!! అద్వితీయం!!! చాలా చక్కటి కవిత.. లోతుగా వెళ్ళేకొద్దీ ఆలోచింపజేసేలా ఉంది!! సూపర్...

    ReplyDelete
  7. లవ్వు వరకూ ఆగిపోండి... పెళ్లి శోభనం అంటే.. తేడా అనుకుంటారు! మీ అంతరాత్మ నాకు నచ్చేసింది... వీలయితే దానితోనే నా పెళ్లి!! హా హా... :-)

    ReplyDelete
  8. మార్జాలమా..naa profile pic used so i too love your soul :-)

    ReplyDelete
  9. వామ్మో నాకు భయ్యమేస్తుంది. అందమైన అమ్మాయి ఇట్లా భయపెడితే ఎట్లా.

    ReplyDelete
  10. స్వార్థరహిత హృదయం మనదైనా ఇతరులదైనా ప్రేమించడం గొప్పవరం. నిన్ను నీవు ప్రేమించుకుంటావు అది నిస్వార్థమైతే అని చక్కగా చెప్పావు పద్మార్పిత-హరినాథ్.

    ReplyDelete
  11. Me too love your soul :-)

    ReplyDelete
  12. Is there any trend to follow this blog mam. truly lovable

    ReplyDelete
  13. నీ అంతరాత్మ ఎప్పుడు నీ ఆధీనంలోనే ఉండగా ఇంకా ఐ లవ్ అనడం అవసరమా పద్మా

    ReplyDelete
  14. ఇంతలా ఘోషించి మనల్ని మనం ప్రేమించుకోవడంకన్నా స్వార్థమో సెల్ఫిషో ఇన్ష్టం వచ్చినట్లు బ్రతికేసే పోలా. మొత్తానికి దెయ్యాలని బూతాలని కూడా మచ్చిక చేసుకుని మాటలాడే మంత్రముంది మీ మాటల్లో. బ్లాగ్ జనాలు భయపడ్డారేమో పద్మార్పితగారు బొమ్మచూసి. :-)

    ReplyDelete
  15. అంతరాత్మను ప్రేమించలేని వారు జీవితంలో ఎవరినీ ప్రేమించలేరు...ఇది దయ్యాల కవిత కాదు...అసలు సిసలైన అంతరాత్మకు ప్రతిరూపం..గ్రేట్ పద్మగారూ...

    ReplyDelete
  16. అసలుసిసలైన అంతరాత్మ మీది...ప్రేమించేయండి

    ReplyDelete
  17. నన్నే కాదు నా అంతరాత్మనూ ప్రేమించే మీ అందరికీ పేరు పేరునా ధన్యవాదాలండి.

    ReplyDelete