నా మది


అంతర్ముఖ కల్లోలిత అంతరంగం అనుకోకు
ఆందోళనలతో కలవరపడిన అంతఃపురమది


అంతర్యమంతా ప్రేమ నిండిందని పొరబడకు
ఆరని వేదనలని నిద్రపుచ్చుతున్న గూడది


అరవిరసిన అందాల నందనవనం అనుకోకు
ఆర్ద్రతామిళిత ఆలోచనలతో ఆరి వెలిగిందది


అలరించే సరాగ సరిగమ రాగాలు వెతుకకు 
ఆవేదన్ని జాలువార్చే విషాదగీతాల నెలవది


అందమైన అక్షరాలతో అల్లినమాల అనుకోకు 
ఆవేశాలకు ఆనకట్టలువేసి అణచిన భావమది


అరమరికల అంతస్తులతో అమరిన మిద్దెనకు 
ఆప్యాయతతో అక్కున చేర్చుకునే పూరిల్లది!

23 comments:

  1. ఎంతో అందమైన మనసు మీది.

    ReplyDelete
  2. అందరినీ మీ అనుకుని అక్కున చేర్చుకునే ఆప్యాయత.
    I can view so confidence in your lyrics & picture.

    ReplyDelete
  3. అఆ ల మధ్య ఇన్నిన్ని భావాలను కూర్చిన మీ అంతరంగం అనురాగ ఆత్మీయతల నెలవైన ఏడంతస్తుల మేడే అర్పితాజీ... అభినందనలు

    ReplyDelete
  4. అచంచల అక్షరాలతో అనాలోచితమైన అర్థం అద్ది
    ఆలోచనల ఆంతర్యాన్ని ఆర్ద్రతతో ఆకట్టుకున్నారు



    మనసులో మెదిలే భావోద్వేగాల సారాన్ని రాగద్వేషాలతో
    కలగలిపి మీదైన శైలిలో చక్కని కవితనందించారు పద్మ గారు.

    Emotions should always be a Strength to tackle adversities with Courage. Strength always gives a reason to Stay Bold.

    ~Sri~
    Jai Srimannarayana

    ReplyDelete
  5. ఏం లేదు అంతా కల్లోలమని చెబుతూ అందులోంచి కమలం వంటి కల్మషంలేని మది మీదని నిర్ధారించి చూపారు. చిత్రం చూడ ముచ్చట.

    ReplyDelete
  6. ఆవేశాలకు ఆనకట్టలువేసి అణచిన భావమది...మన మనసు గురించి మనకి కాకుండా ఎవరికి తెలుస్తుంది చెప్పండి. చాలా బాగారాసారు మేడం.

    ReplyDelete
  7. మీ మదిని చిక్కని భావాలతో చిత్రీకరించారు.

    ReplyDelete
  8. మీ అంతరంగం కల్మషం లేనిదని వ్రాసినారు.

    ReplyDelete
  9. Mee manasu vippi maa manasu docharu. Congrats.

    ReplyDelete
  10. తిరుగులేదు మీ హృదయ భావాలకు.సున్నిత సరళ సరిగమలు పలికాయి ఆర్ద్రతతో.

    ReplyDelete
  11. అరవిరసిన అందాల నందనవనం అనుకోకు
    ఆర్ద్రతామిళిత ఆలోచనలతో ఆరి వెలిగిందది..అందంగా ఆశలు పెట్టుకుని అతిగా ఊహించుకోవద్దని సున్నితంగా వివరించారు.

    ReplyDelete


  12. హ! యచంచల యక్షరముల
    భయంబుల గనితివిగాద! పద్మార్పితవై
    పయనంబు గొనుము పరువపు
    నయగారంబుల రహస్య నగరియటగనన్ :)

    జిలేబి

    ReplyDelete
  13. నా మది చదువ గుండె జారి గల్లంతాయే.....హ హా

    ReplyDelete
  14. అంతర్ముఖం కల్లోలితం అనుకున్నది ఎవరు? మేమంతా అసలుసిసలు అయితే కదా మీ అంతరంగం గురించి వాకబు చేసి అనుకోవడాని.
    అయినా మీకు ఆందోళనలు ఏల చెప్పండి. మంచి హృదయ భావాన్ని కాదు వేదనని తెలిపారు కవితలో.

    ReplyDelete
  15. Always your writings touch the heart. Rocks Padma.

    ReplyDelete
  16. సూపర్ వ్రాసారు మనసులోని అలజడి.

    ReplyDelete
  17. నీకు నీ అక్షరాలకు తిరుగులేదు.

    ReplyDelete
  18. గుండెలోకి డైరెక్ట్ దూసుకెళ్ళింది

    ReplyDelete
  19. తెలిసింది మీ మది విశేషం.

    ReplyDelete
  20. అందరి ఆత్మీయ స్పందనలకు అభివందనములు _/\_

    ReplyDelete