కరిగిపోతూ..

అప్పటి అదే అంతులేని ఆత్మవిశ్వాసము

ఇప్పుడు ఆలోచనలేని ఆవేశంతో కప్పబడి

అనుభవంలో అనుకోని ఇక్కట్లకి గురాయె!

అదంతా తొందరపాటని తెలియని ధైర్యము

ఇప్పుడు కాలంతో కరిగి జీవితం చిల్లుపడి

వేకువ వేకువకూ నడుమ ఆశ అడ్డమాయె!

అనుకోని బాధ్యతావసరాల మధ్య యుద్ధము

ఇప్పుడు నిలకడకై గెలుపు ఓటముల రాపిడి

ఉన్నచోట ఊతంలేక ఉనికి మాయమైపాయె!

అవసరాలు తీర్చే సౌకర్యాల పరుగుపందెము

ఇప్పుడు అహంపై స్వాభిమానం చేసే గారడి

చావు బ్రతుకుల నడుమ పెద్ద పోరాటమాయె!

అవన్నీ ఆనుభూతి లేకుండా సాగే కాలము

ఇప్పుడు పొంతనలేని ఆలోచనలతో అలజడి

ఆయువు నిశ్శబ్దంగా జారి కరిగిపోతుందాయె!