పంచభక్షపరమాన్నాలు ఎలా ఆరగించాలో అర్థంకావట్లేదు!
ఒంటరితనపు ప్రియమైన శత్రువుతో ప్రేమలో కూరుకుపోతే
తోడుకై తనువుకు తాళి ఎలా కట్టించుకోవాలో తెలియట్లేదు!
చీకటికి అలవాటుపడిన చూపు వెలుగుపై విసుగుచెందితే
కాంతులీను భవిష్యత్తని కాటుకభ్రమని కళ్ళకు పూయట్లేదు!
నిరాశసెగల వేడికి పట్టుదలే నిట్టూర్పై కరిగికాలువై పారితే
వెక్కిరించే మార్పుతో ఎక్కడికెళ్ళాలన్నా దారి కానరావట్లేదు!
స్వశక్తి సన్నగిల్లి స్వయంకృతాపరాధ వ్యధలతో ఆడుకోబోతే
అగుపించని ఎదభారంతో జీవితాన్నెలా నెట్టాలో చేతకావట్లేదు!
నాకు నే నిబ్బరపడి నగ్ననిజంతో శూన్యంలో రమించబోతే
కన్నీటికి చులకనైపోతానని తెలిసి కూడా నవ్వు రావట్లేదు!!
