నీ ఇష్టం..

సెప్పేటోడికేమో ఎట్లనో శరం లేకపాయె
ఇనేటినా ఇంగితం ఏమైపాయనో గదా!

చెప్పనీకేం అదిగిదని మస్తు చెప్తి వాయె
సెయ్యనీకి మాత్రం ఏం చేతకాలే గదా!

సలహా ఒక్కటి అడగ సౌవ్ ఇస్తి వాయె
సహాయమడగ సల్లగ జారికుంటివి గదా!

చెప్పింది ఇంటినేమో ఇజ్జత్ కరాబైపాయె
బ్రతుకిప్పుడు బానిసలా మారినాది గదా!

ఇన్నా ఇనకున్నా గిప్పుడు ఫరక్ లేదాయె
జరగాల్సినవి ఎప్పుడో జరిగిపాయె గదా!

బుద్ధి వచ్చింది చెబుతున్నా ఇనుకో రాయె
మనకు తోచిందే మనం సెయ్యాలె గదా!

ఎవర్ని అడుగు వారికి నచ్చిందే చెప్తారాయె
అందుకే అన్నీ విను నీకు తోచింది చేస్కో..
గిదైతె సెయ్యనీకి సింపుల్ మజావస్తది గదా!