మారుతున్న లోకం

ఎన్నో భావాలు రంగులు మార్చి పారిపోతుంటే

పొందికతో పదిలపరచాలని ప్రయత్నం చేస్తున్నా

మనస్తత్వ పోకడల్ని అనుగుణంగా మార్చేస్తుంటే

అవగాహననే ఆహారాన్ని జీర్ణించుకోలేక పోతున్నా

ఆశయాలను అలంకరించి అంగట్లో అమ్ముతుంటే

మనస్శాంతి కరువై నష్టవ్యాపారమని వాపోతున్నా

ఎండిపోయి బీడులా బలహీనమై బంధంక్షీణిస్తుంటే

ఆశామ్లధారతో అనురాగాన్ని తడిమి తడుపుతున్నా

రెక్కవిరిగిన పక్షినై కూడా ఎగరలేక ఎగరబోతుంటే

చీకటి వాస్తవాల నడుమ రేచీకటితో తచ్చాడుతున్నా

నా భావభంగిమలు లోకజ్ఞానంలేక చిందులేస్తుంటే

వాటిపై పొగడ్తల వర్షం కురవాలని ఆశపడుతున్నా

మారుతున్న లోకానికి తగినట్లుగా మారాలనుకుంటే

రాజీకి రాని మనసూ మెదడుల మధ్య నలుగుతున్నా