బహుశా నేనతడిని రమ్మన్నందుకో ఏమో
లేదా ఎందునా సరితూగను అందుకేనేమో
బహుశా ప్రేమన్నది నా వ్యాపారమో ఏమో
లేదా అనుభవాలు నే పొందిన లాభమేమో
నా కన్నీటి కధలు చేష్టలూ తనకు బిరుసే
బహుశా నేను తన గూటిచిలుకని కానేమో
లేదా తెగిపోయిన గాలిపటపు తెగ నాదేమో
నా కోరికల ఖరీదు తనకు బొమ్మా బొరుసే
బహుశా నా ఆశల అంగడి బరువైంది ఏమో
లేదా తన వాంఛలకు విలువ నే కట్టలేనేమో
నా అనుభూతులన్నీ అతడి కంటికి నలుసే
బహుశా ఆలోచనల్లోని తారతమ్యమో ఏమో
లేదా మా ఇద్దరి వయసుల వ్యత్యాసమేమో
నా సావాసం అతడికి శవం ఇస్తున్న భరోసే
బహుశా నాది ఏ బంధంలేని అవసరం ఏమో
లేదా ఎవ్వరికీ చెప్పుకోలేని నిస్సహాయతేమో
