నిస్సహాయత..

ఎలా ఎలా ఇంకేవిధంగా వివరించి తెలుపను
మనసు నిండా ఇంకా తిరస్కారమే దాగిందని
ఎలా చెప్పినా వ్యతిరేకంగా చెప్పినట్లు ఉందని
మెల్లగా అన్నీ తెలుకునే జ్ఞానం రాలేదెందుకని
పొరలన్నీ తొలగిపోతే వెలుగు వస్తుందని ఆశ!

ఏం ఏం సాకులు వెతికి ఎన్నిసార్లు దగ్గరవను
మనసుకైన గాయాల బీటలు ఇంకా అతలేదని
అయినా అన్నిటికీ ముసుగేసి నవ్వడం కష్టమని
తెలుపలేని నిస్సహాయతను నాలో దాచిపెట్టాలని
చేసే ప్రయత్నానికి సహనాన్ని జరిమానా వేశా!

ఎన్ని ఎన్ని ఔషధాలను మ్రింగేస్తూ ఆకట్టుకోను
మనసు మదనపడితే భావాలకది అపహాస్యమని
తెలిసినా కూడా వాదనకి మౌనమేగా లేపనమని
పెదవుల నడుమ ఆవేశాన్ని అణచేసి బ్రతకాలని
చేసిన పోరాటయత్నంలో మారిపోయింది దిశ!!