ఏకం కాదు..

ప్రతి చిరునవ్వు నిజం నవ్వు కాదు

ద్వేషం ప్రేమా అంత సులభం కాదు

నవ్వే ప్రతీ నవ్వూ ఆనందము కాదు

సుఖఃదుఃఖాల కన్నీళ్ళకు తేడా లేదు!

పదాలు ఒకటే కానీ అర్థం ఒకటికాదు

గుండె విరిగితే బాధచెప్పేది భాష కాదు

ఏ కలా పలుమార్లొస్తే అది నిజం కాదు

బ్రతుకు సాగుతుంది కానీ జీవం లేదు!

ముఖాలు ఒకటైనా మనసు ఒకటి కాదు

మన పరాయి గుర్తించడం సాధ్యం కాదు

జ్ఞాపకాల జాతరలో మనిషి ఒంటరి కాదు

అపజయాలు ఎన్నైనా ఆశకి చావు లేదు!

మదిసమాహారం ఎన్నడూ ఒంటరి కాదు

చెప్పలేని భావాలు ఎప్పుడూ ఒకటి కాదు

అస్తిత్వాన్ని కొలవడం ఎవ్వరివలనా కాదు

ఏరకం కన్నీరైనా ఇప్పుడు విలువ లేదు!