ఖబర్దార్

నువ్వు నాకేమో బంగారు కొండ
నేను నీకొరకై నిండిన పాలకుండ
ఇద్దరం ఒకరికొకరం అండాదండ

నువ్వు నాకు ఇష్టమైన సున్నుండ
నేను నీకు ఇష్టమైనట్టి కలాకండ
ఇద్దరం తిందాం తీపి కడుపునిండ

నువ్వు అనుకోకు నన్ను గుదిబండ
నేను నీ కోసం ఊగేటి పచ్చజెండ
ఇద్దరం ఒకటైతిమా సుందరకాండ

నువ్వు లేని జీవితం పెద్ద అనకొండ
నేను లేనిది నువ్వొక ముదురుబెండ
ఇద్దరం కలిసుండటం మన ఎజెండ

నువ్వు కాదన్నావా నీ మొఖం మండ
నేను అవుతా నిన్నుకాల్చే మండేఎండ
ఇద్దరి మధ్య జరుగును కిష్కింధకాండ