పాటతో ప్రణయం..

నేను సంగీతంతో సంపర్కం చేసినా
జ్ఞాపకాలు ఒంటరిగా మిగిలున్నాయి
వాటిని నేను ఆహ్వానించక పోయినా
ప్రతీపాటలో వచ్చి చేరుతానన్నాయి!

కన్నీళ్లు నాముఖాన్ని కౌగిలించుకున్నా
జలజలా ధారగా కారుతూ ఉన్నాయి
ఎన్నో జ్ఞాపకాల్ని దూరంగా నెట్టేయగా
పరుగున పలుమార్లొచ్చి వీడకున్నాయి!

నేను పాటతో పానుపుపై పవళించినా
జ్ఞాపకాలు రెచ్చిపోయి రమిస్తున్నాయి
వాటిని లెక్కచేయక దారి మళ్ళించినా
అప్పుడు నవ్వులు నన్ను నలిపేసాయి!

సరిగమలు నాతో సరసం ఆడుతున్నా
అహ్లాదం అందంతో చిందులేస్తున్నాయి
ఆలోచనలు లయతో శోభనం చేయగా
సంతోషాలే సంతానమై పుట్టుకొచ్చాయి!