తెలియని ప్రశ్న..

అనుకోకుండా అప్పుడప్పుడూ

మనసూ మెదడూ ఆగిపోయి

గతంలోకి దూసుకెళుతుంది..

జీవితపు పేజీలను తిరగేస్తుంది

లాభనష్టాలను లెక్కబెడ్తుంది..

జీవనపయనమలా సాగుతుంది

ఎప్పుడాగునో తెలియకుంది..

జీవిత తత్వమూ మారిపోతుంది

కాలమూ రంగు మార్చేస్తుంది..

జీవితం కొందరికి కలిసొస్తుంది

మరికొందరిని మోసగిస్తుంది..

జీవితగమనాలోచన ప్రశ్నిస్తుంది

నా మౌనం సమాధానమిస్తుంది..