నువ్వెక్కడున్నావ్!?

నువ్వు కాదు నేను వలచింది నాక్కావల్సింది నువ్వు కాదు నా వ్యసనమై నాలోన దాగింది పదే పదే పలుకరించి ఏం సాధించావనుకున్నది పలుమార్లు వచ్చి వెళ్ళి ఏముందని ఉద్ధరించింది అందుకే నన్నుండనీయి ఒంటరిగానే అంటున్నది! నువ్వు కాదు నాస్ఫూర్తి నాబలం నాక్కావలసింది నువ్వు కాదు అప్పటి నాలోని లోటు పూడ్చింది పద పద వెతుకుదాం నావాడు నీలో ఎక్కడుందీ పాత గాయాల్ని తడిమి తీసెయ్ నామది నిండింది అలా కోల్పోయిన కోరికల్లో నువ్వు కలిసిపోయింది! నువ్వు కాదు నాధైర్యసాహసం అదే నాక్కావలసింది నువ్వు కాదు నేను పోగొట్టుకున్న నన్ను నాకిచ్చేది పట్టి పట్టి పాతగాయాలకు కొత్త లేపనం రాసినట్లుంది పద్మాని పిలువ ప్రేమకు పర్యాయపదం అనిపిస్తుంది అదేనేమో నా చివరి మజిలీకి సొరంగం త్రవ్వుతుంది!