ఎగసిపడకే...

పాత కిటికీగుండా కొత్తసూర్యకిరణాలు చూసి
మార్పు తప్పక వచ్చునని కనురెప్పలాడించి
కొత్తకోరికలను పాత అందాలతో ముస్తాబుచేసి
వసంతంలో వర్షం కోసం ఎదురుచూడ్డం కదా?

కోకిలలన్నీ పావురాలుగా మారి ఆకశాన్నెగసి
ప్రేమలేఖల్లోని అక్షరాల్ని రాయబారం అందించి
వాడిపోయిన వలపుసెగను వింజామరతో రాజేసి
మండుటెండలో మంచుముద్దని కోరినట్లు కదా?

గాలితెమ్మరలు ఋతువులన్నిటితో బాసట చేసి
పువ్వుల్లో దాగిన తీపిని తేనేపట్టుగా రంగరించి
జుర్రుకోకుండా జారిపోరాదంటూ మైనంతో మూసి
కాగడాతో కాల్చి కరిగిపోకనడం అన్యాయం కదా?

నిర్జనమైన వనంలో పరిమళ పుష్పాలను చూసి
అందమైన లోకమన్నాదని ఆస్వాదించి రమించి
వికసి విప్పారినంతకాలం దగ్గరుండి ఆపై విసిరేసి
నేలరాలిన పుప్పొడితో సంపర్కం కుదరదు కదా?

22 comments:

  1. నేలపై రాలిన పుప్పడి రేణువులతో సంపర్కం సంభవం కాదని అద్భుత మర్మరహస్యాన్ని చెప్పారు.
    నిగూఢ అర్థం జనించిన కావ్యచిత్రం.

    ReplyDelete
  2. అనంతభావాలు మీ సొత్తు
    వాటిని దాచి ఉంచకండి.

    ReplyDelete
  3. ఒక్కో లైను ఒక్కో జీవిత సారం... శబ్బాష్

    ReplyDelete
  4. artham chesukune knowledge ledu
    bomma lo pain kanabadutunnadi

    ReplyDelete
  5. కొత్తా పాతల కలసి కవిత..ఎంతో భ్యవమైన భావన .

    ReplyDelete
  6. జీవితం ఓ పడవ ప్రయాణం
    కొత్త దారులు కనబడాలంటే పాత దారి గుండానే పయనం
    ఒక్కోసారి రాగద్వేషాల అల్లకల్లోలం ఒక్కోసారి భావోద్వేగాల గందరగోళం

    కొత్త పాత నడుమ జీవితం
    ఔపాసన పెట్టుకునే సాధనం
    ఆశ అడియాశ నడుమన విభేదం

    ReplyDelete
    Replies
    1. హై లెస్.. సో ,లే లో.. హై లెస్ సా..! High Less.. So, Lay Low.. High Less Saw..!

      And the Tides Started Flowing High and Low through Crests and Troughs.. So is Life.. In its ups and downs.. amidst happiest moments and frowns..!!!

      Delete
  7. ఎన్నో రోజుల తరువాత ఎద కవాటాలు తెరచినట్లున్నారు.

    ReplyDelete
  8. అంతరంగ భావాలు సున్నితమైన వాక్యాలే అయినా మనసుని ఘాటుగా తాగే విధంగా వ్రాస్తావు.

    ReplyDelete
  9. anta chadivina artham kani prashna meru.

    ReplyDelete
  10. మాయమైన భావకెరటాలు మళ్ళీ ఎగసి పడినట్లు ఉంది.
    ఇంతకు ఏమైపోయినారు ఇన్నాళ్ళు???????

    ReplyDelete
  11. Ela unaru Padmarpita?

    ReplyDelete
  12. సులభంగా
    అర్థ్మయ్యేలా
    డైరెక్ట్ వాడుక భాషలో వ్రాయండి.

    ReplyDelete
  13. జుర్రుకోకుండా జారిపోరాదంటూ మైనంతో మూసి
    కాగడాతో కాల్చి కరిగిపోకనడం అన్యాయం కదా?
    well questioned.

    ReplyDelete
  14. manishi eppudu enduku ela maratado cheppadam kashtam.

    ReplyDelete
  15. నేలరాలిన పుప్పొడితో సంపర్కం కుదరదు? :)

    ReplyDelete
  16. కొత్తకోరికలను పాత అందాలతో ముస్తాబు చేసి అందమైన భావఝరి.

    ReplyDelete
  17. క్రొత్తా పాత అందాల మేలు కలయిక కదా జీవితం అంటే...చాన్నాళ్ళకు వ్రాసి మెప్పించారు.

    ReplyDelete
  18. kota aina pata aina love always gives pain.
    prema vaddu pelli no ante anta happy.

    ReplyDelete
  19. Life is always complicated.

    ReplyDelete

  20. స్పందించిన ప్రతి హృదయానికీ వందనములు_/\_

    ReplyDelete