నిష్ప్రయోజనం

కాంతిపుంజాలు విప్పారి వెలిగి ఏం ఉపయోగం

ఎగసిపడే ఆశలే నల్లనిమసై ముఖాన్ని అంటితే

వలపుని వాయిదాపై తీరుస్తానంటే ఏం న్యాయం

ముక్కలైన మనసు ప్రతిస్పందించలేక వాలిపోతే

విరిగిన గోడనానుకుని ఆసరాని ఏం సమంజసం

పరువపు పచ్చి ఇసుకతో కట్టిన గూళ్ళే కూలితే

భీతిల్లి బిక్కుమంటూ బ్రతుకీడ్చి ఏం ప్రయోజనం

జీవితమే తెలియక సగానికిపైగా కాలిబూడిదైపోతే

నిర్మానుష్య రేయి ప్రశాంతంగా ఉండి ఏం లాభం

కరిగి క్షీణించిన రేయిలో అకస్మాత్తుగా అంతమైతే..