ప్రత్యేకస్థానం..

నీవైపు అకర్షించబడ్డానికి ప్రత్యేక కారణమంటూ ఏంలేదు

దానికొక అర్థమూ పరమార్థం ప్రణాలికంటూ కూడా లేదు

ఏదో జరగాల్సింది ఇంకేదో జరిగిపోయింది అంతే సుమా..

నిన్ను చూడక ముందు జీవితానికొక అర్థమంటూ ఏంలేదు

అప్పటిదాకా బ్రతుక్కి ఒకగమ్యం నిశ్చింతస్థానం దొరకలేదు

అంతకు మించిన ఆలోచనలు నామెదడుకి లేవు సుమా..

నీ వ్యక్తిత్వసునిశితపరిశీలనా గుణానికి లొంగానంతే ఏంలేదు

అందరి మనసులనీ చదివే నీకు నామది కష్టం అనుకోలేదు

అనుకోకుండా మనసుతో చూసి మాట కలిపాను సుమా..

నిన్ను చుట్టిముట్టి ఉన్న భవబంధాల్లో నేనుండాలని ఏంలేదు

నిడారంబరనియమనిబంధనలున్న బంధమన మదిఒప్పుకోదు

ఉరుకులపరుగుల జీవనవ్యాపకంలో మరచిమారిపోకు సుమా..

నీ సహచరసావాససాంగత్యాన్ని తప్ప నేను కోరింది ఏంలేదు

మనసున మెండుగా ఉంది బయటపడని గుర్తింపు అక్కర్లేదు

ఏదేమైనా నాకంటూ ప్రత్యేక సమయాన్ని సృష్టించాలి సుమా..