ఇటు చూడు

నన్ను చూడు నా నడుము వంపును ఏం చూస్తావు

రంగు రూపు చూసి కాదు గుణాన్ని చూసి ప్రేమించు

మనసు చూసి మోహించు ముఖాన్ని ఏం చూస్తావు

ఆకారం చూసి ఆనందించు అనుభవించాలి అనుకోకు

లోన కసిని కప్పెట్టి కవ్వించే కనులను ఏం చూస్తావు

కావాలని కోరుకునే వారిపైన కరుణ చూపి మెప్పించు

పరశింప చేస్తూ పలికే మత్తు పెదవులు ఏం చూస్తావు

పలుకు రాక చెప్పలేని మౌన మాటల వేదనను విను

సిల్కు చీర చుట్టుకున్న సింగారి వగలు ఏం చూస్తావు

చిరిగిన దుస్తుల వెనుక దాచుకున్న గుట్టుని గుర్తించు

వాలుజడ వయ్యారిని వక్రబుద్ధితో వంగి ఏం చూస్తావు

ఎదుట నిటారుగ నిలబడి నిన్ను వలచిన నన్ను చూడు