ఛల్..ఛల్..చలించు!

పద...పదాలను పంచేద్రియాలుగా మార్చి

పరిపూర్ణమైన అద్భుత ప్రేమకావ్యం రాద్దాం!

విను...విశ్వరహస్యాలకి విజ్ఞానం జోడించి

వినసొంపైన వేదాలను విలాసంగా అందిద్దాం!

చెప్పు...చెడుఛాయలు చిరునామాని కాల్చి

చేతులు కలిపి చెంగుచెంగని గెంతులు వేద్దాం!

కను...కనులతో కాంచిన వాస్తవాలు లిఖించి

కలలని సిరాగాచేసి చరిత్రను తిరిగి రాసేద్దాం!

లెగు...లేచి సత్యానికి పహారై సహారా ఇచ్చి

లెస్సపలుకుల గ్రంధానికి నిర్వచనంగా నిలుద్దాం!

రారా...రారమ్మని పిలవగానే ఎదురుగ నిలచి

రాసే రాతలే కాదు చేతలూ నిజమని నిరూపిద్దాం!