ఫలించిన ప్రేమకు భగ్నప్రేమకు తేడా ఏంటని ఆలోచిస్తే తెలిసె
ప్రేమించాక ప్రియురాలిని పొందనివాడు దమ్ముకొట్టి దుమ్ములేపి
మందుకొట్టి మస్తుగ ఎక్కడంటే అక్కడ తిరిగి గెడ్డం పెంచుకుని
మాగట్టి మనసున్నోడైతే షాయరీలు గజల్స్ చెప్పి కవిత్వం రాసి
ఇంట్లోవాళ్ళతో తిట్లు తిని మిత్రులతో ప్రేమికుడు అనిపించుకుని
ఇంకా పిచ్చి ముదిరితే ఫకీరులా మారి బికారిలా తిరుగుతాడు
లేదా..ఆలోచించి లైఫ్ లో లవ్ అంటే లైట్ తీసుకోవాలంటాడు!
ప్రేమ ఫలించినోడి కధ..జబర్జస్తుగానో లేచిపోయో పెళ్ళిచేసుకుని
ఎవరో ఒకరి ఓకేతో మొదలై అక్కడో ఇక్కడో అడ్జస్ట్ అయిపోయి
పెళ్ళైన వారం రోజులకే ప్రేమలో పోస్ట్ గ్రాడ్యుయేషన్ కంప్లీట్ చేసి
ప్రేమిస్తే పెళ్ళి చేసికోవాలా అని పెళ్ళంటే ఇంతేనాని ప్రశ్నించుకుని
వేరే దారిలేక కూరగాయలతో కొత్తిమీర ఉచితంగా ఇమ్మని అడిగి
ఇంటికి వస్తూ వస్తూ దారిలో అవసరమైన వస్తువులు కొనుక్కుని
ఆదివారం సీలింగ్ ఫ్యానో తుడుస్తూ ప్రేమలో సక్సెస్ అనుకుంటాడు!
ప్రేమలో పడనోడు ప్రేమించలేనోడు లవ్ ఈజ్ పార్ట్ ఆఫ్ లైఫ్ అని
ప్రేమగా ఫిలాసఫీ చెప్పి తలబాదుకోవడానికి ఏ రాయైతే ఏమిటని
ఎవరినో ఒకరిని పద్దతి ప్రకారం ప్రేమగా పెళ్ళాడి కాపురం చేస్తాడు
ప్రేమించినా ప్రేమించకున్నా పిల్లల్ని పుట్టించి ఎండ్ అనుకుంటాడు!
