నేరమేది!?

మనిద్దరి మధ్యా ఎడబాటు మౌనంగా రోధిస్తుంటే

నీనా మధ్య పరిచయాన్ని పెంచే పరిభాషే స్పర్శ

దానికీ దూరమైతే కన్నీళ్ళు రావడం నేరం కాదు

ఏడ్చి ఇంకిన వ్యధలకు తేమలేపనం తప్పుకాదు

వలపు వాక్యాలు తిరివితిప్పి ఆనందభాష్పాలియ్యి! 

మనిద్దరి మధ్యా జ్ఞాపకాలు రాచకార్యం చేస్తుంటే 

నీనా మధ్య సంభాషణలకు అక్షరరూపమే కవిత 

దానికి స్పూర్తినిచ్చే రసస్పందన ఇవ్వనంటే నేరం    

భావజాలాలకు నిప్పు పెట్టి కాల్చివేయడం ఘోరం

యుగళసంభాషణచేసి అక్షరసునామీ సృష్టించెయ్యి!

మనిద్దరి మధ్యా రాయబారమై పదాలుపొర్లుతుంటే

నీనా మధ్య అహం తొలగించడం ఎంతో నేర్పరితనం

దానికి వాదోపవాదాలని చర్చలు జరపడం ఎందుకు

నిద్రాణ నిఘాఢత్వాలను నిద్రలేపక పద ముందుకు

కలనైనా భువనగగనాల్ని కలసికాపురం చేయనియ్యి!