నీకూ నేను మనసిచ్చానుగా నిద్ర నీకూ రాదులే
పున్నమి వెన్నెల నిన్నూ వేధించకుండా వదలదు!
కలలోకి రమ్మని అడిగితే కసురుకున్న ప్రియుడా
నీకూ నిద్ర కరువైతే నువ్వు ఏం కలలు కంటావులే
పట్టెమంచము పరుపు నిన్ను వెక్కిరించక మానదు!
రుచులన్నీ హాయిగా ఆరగిస్తే ఆటపట్టించినవాడా
నీకూ రుచులూ ఆకలి దప్పికలు మాయమౌనులే
ఆరోగ్యం అలసట నిన్ను చూసి గేలిచేయక వీడదు!
శింగారించుకుని ఎదురువస్తే ఏదో అవుతుందన్నోడా
నీకూ అసలు తలకూడా దువ్వుకోవాలనిపించదులే
తలనిమిరి చెరిపివేసిన నాచేష్టలు ఏమార్పునివ్వదు!
పనిలోపడి నీవు పరధ్యానంతో సర్దుకున్న చిన్నోడా
నీకూ నాపై ధ్యాసమళ్ళీ ఏదీ సక్రమంగా చెయ్యవులే
ఇవన్నీ శాపనార్ధాలు కావు స్వీయానుభవం తప్పదు!
