తన్నులూ వాటితోపాటు చీవాట్లు కూడాను
ఇవి సరిపోవని ఈసడింపులు జత కలిపాను
ఎదుగుతున్న కొద్దీ మోసగించబడ్డా నేను..
చురుగ్గా పనిచేసి వేరేపని నెత్తినేసుకున్నాను
మనం చేసిందేదీ ఊరికేపోదు అనుకున్నాను
అవసరానికేదీ అక్కరకురాదని తెలుసుకున్నాను!
అలా కాలంతోపాటుగా సాగిపోయా నేను..
మంచీచెడు వ్యత్యాసాలు వెలివేయబోయాను
ప్రేమను పంచి ఇప్పుడు అడుక్కుంటున్నాను
ఇవ్వాలి ఆశించరాదని సూక్తులు వింటున్నాను!
ఆకలిచచ్చి ఏం తినాలని అనిపించక నేను..
కడుపువీపు కలిసి అతుక్కున్నట్లున్నా కూడాను
ఒడ్డున ఒంటరినై విషాదాన్ని నీటిలో కలిపాను
జీవితం ఇచ్చే తీర్పు కోసమై వేచి ఉంటాను!
