రాయాలనే ఉంది…

ఏ భావం చెప్పి రాయాలన్నా భయంగా ఉంది

మనసు విప్పి చెబితే మతలబు మారిపోతుంది

ఉన్నదేదో ఉన్నట్లు రాస్తే భావం ఉసూరుమంది

వాక్యాల్లో వ్యధ గుమ్మరిస్తే వద్దు పొమ్మంటుంది
 
శృంగారం చిలుకరించబోవ స్త్రీగా సిగ్గుపడమంది

వలపు పులిసిన వాసనతో వెగటు పుట్టించింది
 
నిర్మొహమాటంగా నిజాలను వ్రాస్తే అర్థంకాకుంది

ప్రకృతిని పరవశింపజేసే పదమొక్కటైనా రాకుంది

రాజకీయాలు వ్రాసేకన్నా రచించడం మానేయంది

లోకం తీరు రచించబోవ నా జ్ఞానం సరిపోకున్నది!