కామంతో మధమెక్కువై కొట్టుకుంటూ
ఒళ్ళుబలిసి తిరగబడలేని వారిపై బడి
దారుణంగా ఎగబడి అత్యాచారం చేసేటి
నువ్వు మగాడివా నీది మగతనమా!?
ఎక్కడ నుంచైతే పుట్టావో అక్కడే పెట్టి
విచక్షణ కోల్పోయి కళ్ళు మూసుకుని
రెండు నిముషాల సుఖానికి రాక్షసుడివై
మృగంలా మారి మీద పడి హింసించేటి
నువ్వు మీసం మెలేయడం న్యాయమా!?
ఆమె ఇష్టంలేదు వద్దని అరుస్తుంటే కొట్టి
తాళి కట్టించుకున్నాక పెళ్ళాం కదా అని
ప్రతాపమంతా చూపి ఫస్ట్రేషన్ తీర్చుకుని
సాడిస్టులా సెక్స్ చేసి సంతతిని పెంచేటి
నువ్వు ఒకపెద్ద పుండాకోరంటే కోపమా!?
రాత్రి లేపి కలలో కులుకుతావటని మొట్టి
ఒళ్ళురక్కి రంకుగట్టి పరువు పక్క పరచి
సిగ్గులేకుండా లైంగిక వాంఛతో జబ్బచరచి
అంగము ఉన్నది దానికోసమే అనుకునేటి
నువ్వు మగాడినని నిరూపించ సాధ్యమా!?
