కొన్నైనా కావా!!!

చేతిలోన చెయ్యేసి చెప్పేయవా!
నీకు నేను నాకు నీవున్నామని.
ఏకాంతవేళ ఊసులెన్నో చెప్పేయవా!
జీవితమంతా ఆనందమయమేనని.

నీ కౌగిలిలో నన్ను బంధించవా!
పట్టుతప్పిన వేళ పడిపోనీయనని.
సేదతీర్చి ముంగురులు సవరించవా!
జోలపాటై నన్ను జో కొడతానని.

భుజాలపై తలవాల్చనీయవా!
నా యోగక్షేమాలు నీవేనని.
గుండెల్లో నిదురించనీయవా!
ఆ సవ్వడిలో నాపేరు వినాలని.

కనులుమూస్తే కలలో నీవే రావా!
కలనైనా నన్ను ఎన్నడూ వీడనని.
ప్రతిక్షణం నా తలపు నీవే కావా!
అణువణువునా ఒదిగి ఉన్నావని.

కోయిల పాటై వినిపించవా!
ఎల్లవేళల వసంతం మనదేనని.
కలసి నాతో కడవరకూ సాగిపోవా!
ప్రేమకు నిర్వచనం మనమేనని.

పర్వదినం

క్రిస్టమస్ తాత వచ్చినరోజు
బహుమతులెన్నో పంచినరోజు
క్రైస్తవులందరికీ పండగరోజు
ప్రార్ధనలతో ప్రస్తుతించేరోజు
ఆనందం వెల్లువిరిసిన రోజు
అదే జీసస్ పుట్టినరోజు....



రేయే పగలైనట్లుగా పార్టీలు
కేకులు, బిస్కట్లు భలే రుచులు
పిల్లలు, పెద్దలు కలిసి కేరింతలు
అందరి ముఖాల్లో దీపకాంతులు
ఇంటిముందు వెలిగెను నక్షత్రాలు
క్రిస్టమస్ పర్వదిన శుభాకాంక్షలు..

కోమలి...కూల్ కూల్:-)

చలి చలిగా ఉంది
గిలిగింతలు పెడుతుంది
నన్ను కౌగిలించుకోమంది...
ఊలువస్త్రం/Winter wear:-)

మొహం పగులుతుంది
బయట మంచు కురుస్తుంది
నన్ను పూసుకోమంది...
వెన్న/Cold creams:-)

వింటర్ లో విప్పేయమంది
కొప్పుగా నన్నేల బంధింతువంది
విరబూసిన అందం చూసుకోమంది...
కురులు:-)

సాయంకాలం త్వరగా చీకటైంది
నా వేడిని నీలో దాచుకోమంది
అల్పాహారంగా ఆరగించమంది...
మిరపకాయబజ్జీ/పకోడీ:-)

వేడినీళ్ళ స్నానమాచరించమంది
తన ఒడిలో మేను వాల్చేయమంది
రేయంత వెచ్చగా నిదురించమంది...
పరుపు:-)

చలి చంపి ఒళ్ళు వణికిస్తుంది
చిరుగాలిని చొరబడనీయకంది
నువ్వు నేను ఒకటైపొమ్మంది...
గొంగళి/రగ్గు:-)

ఇది కవిత కాదండి.....పొద్దున్నే (మార్నింగ్ వాక్ లో) పుట్టిన పిచ్చి ఆలోచన, మన్నిస్తారు కదూ:-)

కావాలి!!!

నన్ను నన్నుగా ప్రేమించాలి
అందమైన ఆజానుభాహుడేవలదు
ఆత్మీయతను పంచే అనుభవముండాలి!

కంటనీరు రానీయని నేస్తం కావాలి
నా ఎదురుగా ఉండనవసరంలేదు
నా అన్న నమ్మకం నాలో కలిగించాలి!!

ఒకరికోసం ఒకరం అన్న భావం రావాలి
అందుబాటైతే చాలు ఆస్తిపరుడితో పనిలేదు
అనురాగం పంచడంలో నన్నుమించిపోవాలి!!!

తన విశ్వంలో నాకంటూ ప్రత్యేక స్థానముండాలి
అనుబంధముంటేచాలు రక్తసంబంధం అక్కల్లేదు
గుండెలగుడిలో మమతలకోవెలై కొలువుండాలి!!!!

భా.రా.రె.గారి/రె బహుమానం....:-)

ఇది కేవలం భా.రా.రె గారి హృదయస్పందనల చిరుసవ్వడి బ్లాగ్ లో "సంక్రాంతి కి విడుదల కాబోతున్న హారం పత్రికా ప్రతికై రచయితలకాహ్వానం. ఇరవై వేల పైన బహుమతులు"..... ఆహ్వానాన్ని చూసి స్పందించి స్నేహభావాల చనువుతో కాసేపు నవ్వుకుందామని చేసిన చిరుప్రయత్నంగా భావిస్తారని ఆశిస్తూ.....
భాస్కర రామిరెడ్డిగారికి
అంకితం!
ఆహ్వానాన్ని చూసి ఆనందంతో గెంతులేసి కాలువిరగొట్టుకుని కూర్చుని మరీ కవితలు కధానికలు రాసేద్దాం అనుకున్నానండి!!!!
అంతలో కొన్ని సూచనలు అంటూ అంకెల గురించి ప్రస్తావించేసరికి తుస్ స్ స్ స్.....అక్షర జ్ఞానమే సరిగ్గాలేని నేను అంకెల జ్ఞానం ఏం అర్థంచేసుకోను చెప్పండి!!!!
అయినా ప్రయత్నిద్దామని...... అంశాలన్నింటినీ రోజుకొకటి పదిహేనుసార్లు చదివితే దాని పర్యవసానం ఇదన్నమాట.!!!
ఛీ... ఛీ అని అనకుండా నా అజ్ఞానానికి నాలుగు చీవాట్లు పెట్టండి!
మీ మనసు నొప్పిస్తే మన్నించండి!
మీరు ఏమన్నా నవ్వేస్తా:-)
భా.రా.రె గారి బహుమతుల హారమా మజాకా:-)

1. ఆంధ్రమహాభారత, భాగవతాల ఇండెక్స్ ఇప్పుడిప్పుడే చదువుతున్న నేను ఎప్పటికి పరిశోధన చేసేది ఏమిరాసేది?:(

2. మొన్న రంజాన్ పండుగ ఇఫ్తార్ విందు అరగనేలేదు ఇంతలో క్రిస్టమస్ కేక్ తయారీలో బిజీగా ఉన్న నేను వచ్చే సంక్రాంతి ఎలా జరుపుకోవాలో అని అలోచిస్తుంటే.... భారతదేశంలో ఈ మతాల పాత్ర గోల ఏంటండిబాబు?

3. పట్నం నుండి పల్లెకు వెళ్ళి పదిరోజులుండి పచ్చనిపొలాలు చూసి పసందైన పలహారాలంటే.....ఓకే! కాని కధానికలేం రాయగలను చెప్పండి?

4. నన్ను ఇలా పెంచి పెద్దచేసిన నా తల్లిదండ్రుల మనోభావాలని గౌరవించి వృధాప్యంలో వారిని ఆనందింప చేస్తే చాలనుకుంటున్న నాకు పిల్లల మనస్తత్వం గురించి వ్రాసే జ్ఞానం ఎక్కడిదండి?

5. మహాత్మాగాంధీగారిని హత్యగావించింది గాడ్సే పేరు తప్ప స్పెలింగ్ కుడా తప్పురాసే నేను తదానంతరం భారతదేశంలో మార్పులపై పాతికపేజీలు రాయడం మాటలా చెప్పేయడానికి?

6. కుమ్మరి, కమ్మరి, శాలి, చాకలి, మంగలి, శిల్పి, పౌరోహిత్యం, జ్యోతిశాస్త్రం......ఇలా ఒక్కరేంటి అందరూ కంప్యూటర్ల ముందు తలవంచితే కులవృత్తులపై కధలు కమామిషలు ఏమి వ్రాయను ఎలా మెప్పించను?

7. పనికిరాని చెత్త వ్రాసి మీ అందరికి విసుగు తెప్పించి మీతో చీవాట్లు తింటూ కూడా నవ్వుతున్న నన్ను చూసి మీరు నవ్వుతారుగా......నన్ను మించిన బఫూన్ పాత్ర కాకుండా ఇంకెవరైనా ఉంటే చెప్పండి?

8. ఆహా...నాకు కావలసిన టాపిక్ దొరికింది కవితలు-తవికలు కూడా రాసేద్దాంకదా అని....ఒక తెలంగాణ పోరడ్ని ప్రేమించి పెళ్ళి చేసుకుని అమెరికాకు వెళదాం రండి అంటే..... ఛస్! నీఅవ్వ....అత్తమ్మోల్లు అంత్ర్వేధిలుంటే పండ్గకు పోయి అర్సెలు తినక అమెరికా అంటావేందే??? బొక్కలిరగదంతా అన్నడు.....ఇంకెక్కడి అమెరికాలో కాపురం? దానిపై కధలు కవితలు?:-(

9. చరిత్ర చెప్పకుండా చెప్పినట్లు బొమ్మ వేస్తే భా.రా.రె గారు నాకు బహుమానం గ్యారంటీగా ఇస్తారని కుంచెపట్టి అడ్డ గీతలు నిలువుగీతలు గీస్తే అవన్నీ కలసి భావంలేని ఒకటి అంకెగా మారితే అదిచూసి ఒక్కటిస్తారేకాని బహుమానమా నా మొహానికి చెప్పండి?

10. బాబోయ్....భయం వేస్తుంది ఎందుకంటే టెంత్ క్లాస్ లో నాకు భౌగోళికశాస్త్రంలో సున్నా....ఇప్పుడు అదేవేస్తే పరువుపోతుంది.... కాదంటారా?

11.రాసేసానోచ్!!!......అరపేజీ పద్యగద్య పదాలతో కుమ్మేసాగా....:-) ఛా! అంతలేదు నీకు అరపేజీలో సంక్రాంతి సోయగాలన్నీ ఏం చెబుతావులే అంటారా? (అయితే నేను అలిగానుగా: ( ఆ అరపేజీని మీకు పంపనుగా...)

12.ఈనాటికాలం గురించే జుట్టుపీక్కుంటుంటే శ్రీకృష్ణదేవరాయలు కాలం నాటిపై కధకాదు....నాటిక/నవల ఎంతవరకు న్యాయం చెప్పండి? (మనలోమాట హిస్టరీలో నాకు రెండు మార్కులు వచ్చాయి టెంత్ లో ఎందుకంటే రాజులపేర్లు స్పెలింగులు కరెక్టుగా వ్రాసానని ప్రశ్నలో ఉన్నాయని మాస్టార్ కి తెలియదుగా మరి)

13. రంగులుచూపే కనుగుడ్డు నలుపు
కన్నుమూస్తే ప్రపంచమంతా నలుపు
ఆపేయ్ ఇంక... కవితకాదు సినిమా తీయమంటారా?
సారీ బాస్......నెలాఖరులో బడ్జెట్ లేదు:-)

14. ఇదండి నాకు నచ్చిన అంశం....అందుకేగా ఇలా పదిహేనురోజులు పాట్లు...బహుమానంకై అగచాట్లు.!

15. హూ...లలలా...
లల లల లలా
హారమా...హారమా
నీవు మా నేస్తమా

హూ...లలలా...
లల లల లలా
నీవే ఒక బహుమానమా
భా.రా.రె అంటే తెలుసుకొనుమా

హూ...లలలా...
లల లల లలా
"భా" అంటే భారీగా
"రా" అంటే రాసులుగా
"రె" అంటే రెమ్యునరేషన్ /బహుమానంగా
ఇచ్చేవారని తెలుసుకొనుమా.....

హూ...లలలా...
లల లల లలా........
ఏంటో....ఫ్లోలో ఇలా పాట పొడుచుకొస్తుందండి....
అయినా మిమ్మల్ని మీరే పొగిడేసుకుంటానన్నారుగా....
ఇంకేం రాసి పాడను....చిత్తగించండని చల్లగా జారుకుంటాను!

బహుమానం ఏమిద్దామా అని అలోచిస్తున్నారా???? తప్పదులెండి! థింక్ ....థింక్ ....థింక్:-) :-)

బయోడెటా...:-)

బ్లాగమిత్రులకు పద్మార్పిత అందించు
వివరణాసూచికను తమరెల్లరూ కాంచు:-)
మిక్కిలి స్నేహశీలి
చిరునవ్వే ఆమె చెలి
పసిడి మేను ఛాయ
కంటినిండా కలదు దయ!

ఎత్తు ఐదడుగుల ఆరంగుళాలు
కురచైన నల్లనివి ఆమె కురులు
హృదయకవితలే ఆమె చిరునామ
మనసు మాత్రం పదిలమే సుమా!

ఆమెది ఒక చిరు ప్రభుత్వ ఉద్యోగం
జీవనానికి చేయక తప్పని పయనం
చిత్రలేఖనమే ఆమె చిన్ననాటి నేస్తం
కవితలు అందించినవి తమ ప్రియహస్తం!

ఆలుగడ్డగాడు...:-)

హాయ్!....మొన్న వనభోజనాల్లో నా పరువు కాపాడిన దగ్గరనుండి నాకు కూరగాయలతో అత్యంత సాంగత్యం ఏర్పడిందండోయ్!!!!
దాని పర్యవసానంగా వెజిటేబుల్స్ తో చాటింగ్స్ అండ్ డ్రీంస్ లో మీటింగ్స్!!!

వాటిల్లోని ఒక నజరానా ఇక్కడ పోస్టింగ్......జస్ట్ ఒక లుక్ వేయండి ప్లీజ్!!!


అలనాడు ఒకానొక చలికాలం ఒల్లంతా తిమ్మిరెక్కి.....
మిష్టర్.పోట్స్ గాడు (అదేనండి మన
ఆలుగడ్డ /బంగాళాదుంప/ Potatoes) లవ్లీగా ఒక లవ్ మెసేజ్ పంపాడంట మిస్.లేఫ్ కి (బెండకాయ/లేడీఫింగర్/Lady fingers) కి.....
మిస్.లేఫ్స్ గారు కాల్ చేసి మిష్టర్.పోట్స్ గాడిని..
నీకు నాకు సాంగత్యమా?
బండలా ఉండే నీవెక్కడ? నాజూకు నడుమున్న తెలివైన నేనెక్కడ?

పో!...పో! అని ఘోరంగా అవమానించేసరికి మన ఆలుగాడు ఆలోచన మీద ఆలోచనచేసి కనిపించినదాన్నల్లా (లేడీ కూరగాయల్నిలెండి!
అపార్థము వలదు ప్లీజ్ ) లవ్లీగా లౌక్యంతో లోబరచుకుని(పటాయించి).

ఇలా రోజుకొకరితో
మచ్చుకి.....

ఆలు-గోబీ, ఆలు-పాలక్, ఆలు-మటర్,
ఆలు-బైగన్ etc.....

అంటూ కంబైండ్ కాపురం వెలగబెడుతుంటే:-)

మిస్.లేఫ్ గారు మాత్రం ఒంటరినైనాను అంటూ అప్పుడప్పుడు......టమాటాని తోడు రమ్మని తన తోడుకోసం వేయికళ్ళతో ఎదురుచూస్తున్నదంట.:-)


ఆలుగడ్డగాడు చెప్పిన నీతి:-
నిన్ను నీ అందాన్ని నీవే చూసుకుని మురవకు!!
నలుగురిలో మసలేవేళ నీవు వారి ఆకారాన్ని చూడకు!!

(ఇది కేవలం ఆలుగడ్డ వెల్లబెట్టిన వేదాంతం అనుకుని చదవండి!
అంతేకానీ!..ఇందులో లాజిక్కులు మాజిక్కులు వెతకవద్దని మనవి!)

జీవించనీయకు!

పలకరింపుల పరిమళాలు...
నీ తలపులలో తడిసిన పరువాలు...
మనం తడిసి ముద్దైపోయే తరుణంలో,

ఎందుకో ఈ పెనుతుఫానుల గాలులు!!!


నిన్ను తలుస్తాను ప్రతిరోజూ పలుమారులు...
నీకు వచ్చే వెక్కిళ్ళే అందుకు నిదర్శనాలు...
నిన్ను చేరాలని చేసే శతవిధ ప్రయత్నాల్లో,

తీరం చేరని కెరటాల్లాంటి ఎన్నో అడ్డంకులు!!


కడదేరిన నన్ను చూసి కంటనీరిడకు...

చితిని చేర్చువేళ చింతిస్తూ చెంతచేరకు...

చింతతో కంటనీరిడిన నిన్ను చూసి నాలో,

జీవించాలన్న ఆశను మరల చిగురించనీయకు!

"వెజిటేబుల్ సలాడ్"

"అలోచనలతో బుర్రలో తిరుగుతున్నాయి సుడులు
ఏమి వండి వడ్డించాలని గుండె నిండా గుబులు
అంతగా వంటరాని నాపై నాకే చెప్పలేని దిగులు
ఎన్నో రుచులవంటలకై జిహ్వ ఎదురుచూపులు
వనభోజనాల నాడు మెప్పుకై చేయాలి జిమిక్కులు
లేకపోతే తప్పవు పాకప్రావీణ్యులతో మొట్టికాయలు"

ఏంటి పద్మా! నీకు చెప్పిందేమిటి నువ్వు చేస్తుందేమిటి? వంటావార్పుతో వనభోజనాలకి రమ్మంటే పదాలకూర్పుతో తవికలల్లి దిగులని గుబులని నేర్పుగా తప్పించుకోకు అంటారని నాకు తెలుసు అందుకే.......తెల్లవారుజామునే అయిదు గంటలకే తలంటుకుని చెంగావిరంగుపై ఎరుపు, ఆకుపచ్చ రంగంచున్న చీరకట్టి ( ఎందుకు డ్రెస్స్ కోడ్? అని అడక్కండి మీకే తెలుస్తుంది మున్ముందు ).......
భగవంతునికి దీపం, ధూపం వందనమాచరించి....అవిఘ్నమస్తు! అందరి మెప్పులు ప్రాప్తిరస్తు! అని నాకు నేనే ఆశీర్వదించుకుని వంటగదిలో వంద ప్రదక్షణాలు చేసినా ఒక్కవంటైనా నన్ను కనికరిస్తే కదా వండి వడ్డించడానికి......
ఏదో నాలుగు ప్రాస పదాలతో కవిత వ్రాసుకోక జ్యోతిగారి బ్లాగ్ లోకి వెళ్ళి మరీ ఈసారి చేసేస్తా పెట్టేస్తానని ప్రగల్భాల వ్యాఖ్యలు పెట్టనేల అని నన్ను నేను పరిపరి విధముల తిట్టుకొనుచుండగా......

పూర్వము నా బ్లాగ్ లో ఒకానొక పోస్ట్ "కాయగూరలతో కబుర్లు!!!" చెప్పితినని అవి నన్ను కనికరించి "కూరగాయోపదేశము" చేసి నా చేతికి కత్తిరించమని కత్తినిచ్చినవి.....
ఉపదేశమెట్టిదనగా.....
పిచ్చి పద్దూ.... "ఈ యాంత్రిక జీవనశైలిలో వంటావార్పెందులకు? కడుపుమంటా, షుగర్, బీపీలను పెంచేందులకు!
అంటూ మంతెన సత్యనారాయణగారి లాంటి నలుగురి ప్రముఖుల పేర్లను రెఫరెన్స్ గా చెబుతూ....
పద్దు! నీవు వంట జోలికి వెళ్ళవద్దు....
పచ్చి కూరగాయలతో నీవు చేసేయి "వెజిటెబుల్ సలాడ్"
అది అతిగా భుజించకుండా ఏర్పరుస్తుంది ఒక సరిహద్దు....
ఆ హద్దుతో ఆఖరున భుక్తాయసమంటూ ఎవరూ బాధపడరు....
అదే మనందరికీ ఎంతో ముద్దు"
అని అంటూ....

నీ హస్త కళానైపుణ్యముతో నన్ను అందంగా మలచు అంటే నన్ను అంటూ కారెట్, కీరదోసకాయ, బీట్ రూట్, కాప్సికం, ఉల్లిపొరక, టమాటాలు నేనంటే నేనంటూ నా ముందుకు నర్తించాయి....

పరువుని కాపాడిన కూరగాయలపై ప్రేమతో అలా ఆ చీర మాచింగ్ అన్నమాట...:)




మరింక ఆలస్యమెందుకు?
ఆరగించండి అందరూ.....
నేనందిస్తున్న "వెజిటేబుల్ సలాడ్"

ఏదో ఒట్టి చేతులతో కాకుండా నేను సైతం ఒక వంట(అమ్మో!వంట అంటే తంతారేమో!!:) తెచ్చాను అనుకుని
మీరంతా "సలాడ్స్" ని ఆరగిస్తే......
ఉపదేశించినందుకు కూరగాయలు,
మీ అందరితో వనభోజనం చేసినందుకు నేను ఎంతో ఆనందిస్తానండి!
(Serving With Love)

ఇట్లు,
ప్రేమతో
పద్మార్పిత!!!

వేళ కాని వేళ!


ఏ రాగం ఆలపించను, అనురాగం శృతి తప్పినవేళ!
ఎలుగెత్తి నేనేమి తెలుపను, నీవు మౌనం దాల్చినవేళ!

హృదయం అలిసేలా రోధించాను, లోకం నిదురించిన వేళ!
చందమామనే చూడనెంచాను, కారుమబ్బులు కమ్మినవేళ!

బీడుబారిన నేలలో మొక్కను నాటాను, మండు వేసవి వేళ!
బాధను దిగమ్రింగి నవ్వాను, నీవు వేరొకరి సొంతమైన వేళ!

కన్నీటితో దాహంతీర్చ తలచావెందుకు? కనులు మూతపడిన వేళ!
ఏడిపించిన నీవే కుమిలిపోతావు ఎందుకు? నేను కాటికి సాగిన వేళ!

పూలలో మనమిద్దరం....

నా నవ్వు నిన్ను చేస్తుందంటే పరవశం
స్వఛ్ఛమైన మల్లెల నవ్వులే నీసొంతం

పిలచి చూడు నా పేరులోని ఒక్క పదం
పద్మాల కొలనునై సేద తీరుస్తాను నిత్యం

ఎడారిలోని మండుటెండలో నీతో పయనం
నాకది గులాబీల తివాచిలాంటి మెత్తదనం

నీ హృదయంపై నా తలవాల్చి నిదురించడం
చామంతిపూల పరుపుపై పవళించిన చల్లదనం

నీవు నా చెంతన ఉన్నప్పుడు ప్రతినిముషం
నాశ్వాస అవుతుంది మొగలిపూల సుగంధం

మదివిప్పి మాట్లాడకుండా నీవుంటే మౌనం
నా మనసే అవుతుంది గంపెడుబంతుల భారం

ఒకరి మెడలో ఒకరం వేసుకుంటే పూలహారం
కనకాంబరాల గుత్తై చేస్తుంది నామది నాట్యం

జీవితం ఏమిటి?


విధివ్రాతను ఎవరూ మార్చలేరు

కాగలకార్యాన్ని ఎవరూ ఆపలేరు

మార్చగలిగితే! ఆనందం ప్రతిఒక్కరిదంట
ఆపగలిగితే! భాధలకి చిరునామాయేలేదంట

తలచినది జరగని నాడు చింత పడవలదు
పలుమార్లు ప్రయత్నించడంలో జాప్యంవలదు

నిరాశ పడకు నీవు, ఏదీ నీకు సాధ్యం కాదని
తెలుపు సాధనతో అసాధ్యం కూడా సాధ్యమని!

ధైర్యంగా కష్టాలను ఎదుర్కోవడమే జీవితం...
భాధలున్నా దిగమింగి నవ్వడమే జీవితం...
గెలుపొంది ఆనందించడమే కాదు జీవితం...
ఓటమిని చిరునవ్వుతో స్వీకరించడం జీవితం!

వెలిగిస్తున్నా!!!



నరకచతుర్థినాడు నరికేసాను...
నాలోని అహాన్ని
అది కలిగిస్తున్న అంతరాయాన్ని!

అమావాస్యనాడు తొలగిస్తున్నాను...
నాలోని అంధకారాన్ని
మార్చాను వెలుగువైపుకి నా గమ్యాన్ని!

దీపావళి జ్యోతులతో వెలిగిస్తాను...
రెక్కలులేని ఊహల భూచక్రాలని
మమతల్ని విరజిమ్మే మతాబులని
హద్దులు దాటని ఆశల చిచ్చుబుడ్లని
అలుకలా మాయమైపోయే సిసింద్రీలని
ఆకాశానికి ఎగిరే ఆశయాల తారాజువ్వలని!
బాగ్మిత్రులందరికీ దీపావళి శుభాకాంక్షలు!!

నాకివ్వు...


నాకు నీపై చెప్పలేని అనురాగం...
తప్పలేదైనా మనమధ్య దూరం...
దొంగిలించావు నాశ్వాసలోని సగం...
అంటున్నావు చేయలేదని ఏనేరం...

ఈ దూరాన్ని ఎడబాటు అనుకోకు...
నా మౌనాన్ని అలుక అని అనుకోకు...
నిన్నేతలచే నన్ను అలుసుగా చూడకు...
విధివ్రాతకు మన బ్రతుకును బలికానీకు...

ఆనందాన్ని అందరికీ పంచి నీ నవ్వుని నాకివ్వు...
సమయాన్ని అందరికిచ్చి నీ జీవితాన్ని నాకివ్వు...
ఆప్యాయాన్ని పదిమందికిచ్చి నీ హృదయాన్ని నాకివ్వు...
ఎందరు నిన్ను ప్రేమించినా నీ ప్రేమను మాత్రం నాకివ్వు...

నా ప్రశ్నలకు నేనే జవాబు!

ఇవి ప్రశ్నలు కావు నాలోని భావాలు...
ఎగసిపడుతున్న ఆలోచనా తరంగాలు...

పనికిరాని పండిన రావి ఆకై రాలనేల?
ఎండికూడా గోరింటాకై పండరాదటే బాల!
హస్తరేఖలు చూసి జీవితాన్ని వ్రాయనేల?
అవిటివారికి కూడా జీవితమున్నదే బాల!
పరుల సొమ్ములకై ప్రాకులాట మనకేల?
ప్రాప్తం ఉంటే పొమ్మన్నా పోదుకదే బాల!
ఎదుటివారిలోని తప్పులు మనమెంచనేల?
అద్దంకాదు మనమోము కడుక్కొనవలెనే బాల!
మెప్పుకై ప్రాకులాడి ముప్పులు తెచ్చుకోనేల?
మనస్సు లగ్నం చేస్తే మెప్పులు మనసొంతమే బాల!
పదాలను కూర్చి పేర్చి ఇలా వ్రాతలు రాయనేల?
కొందరైనా చదివి ఆచరిస్తేనే ఈ వ్రాతలకు సార్థకతే బాల!

సరైనదా!!!

ముళ్ళేలేని గులాబికి రక్షణేది
చీకటే లేనప్పుడు వెలుగుకి పనేది
ప్రేమ ఉన్న చోట ధ్వేషానికి చోటేది
ఆశేలేనినాడు ఆవేదనకు తావెక్కడిది!!!

మధువులేని పువ్వుకడ తేనెటీగ చేరదు
వేర్లను నరికిన చెట్టు మరల చిగురించదు
పరుషపలుకులకి విరిగిన మనసు అతుకదు
సోమరిపోతుని విజయం ఎన్నడూ వరించదు!!!

పసిడిమొగ్గను విరబూయమనడం పాపంకాదా
ధనవంతుడు కాసులతో ప్రేమని కొనలేడుకదా
మనసులేని సౌందర్యం కురూపితో సమానంకాదా
చెడు అని తెలిసి చేస్తే అది క్షమించరాని నేరంకదా!!!

నీవు నావాడివి....

ఎదలోయలో దాగిన
మధుర ఊహల పరిచయానివి....

పెదవులపై విరిసిన
చిరునవ్వుల దొంతరవి....

విరబూసిన వెన్నెలలో
తెరతీసిన చల్లదనానివి....

అణువణువున దాగిన
అంతులేని అనురాగానివి....

ఆలోచనల్లో దొరలిన
ఆనందకేళీ విలాసానివి....

నిదురరాని కనులలో
పవళించిన స్వప్నానివి....

ఎందెందు దాగిన
ప్రియతమా! నీవు నావాడివి....

ఒక పదం

ఒక పదం జీవితానికి ఆశ, ఆ పదమే జీవన పరిభాష...
ఒక పదం జీవన రాగం, అది తెలుపును జీవితసారం...
ఒక పదం గెలుపు, వేరొకటి ఓటమిని తెలుపు....
ఒక పదం భయం, మరొకటి ఇస్తుంది అభయం...
ఒక పదం ప్రేమకి నాంది, ఇంకొకటి పగకు పునాది...
అందుకే....
పదాలను చూసి వాడు, తప్పుడు పదాలతో చేయకు కీడు...
సరళమైన పదాలు మంచికి జోడు, అవి కానేరవు హాని నాడు-నేడు!

నీ,నా,మన....

నీ మనశ్శాంతి నేనై
నీ కంటిపై కునుకునై
నీ కలలన్నీ నావై
నీ ప్రతి కదలిక నేనౌతా!!

నా కాటుక కళ్ళే నీవై
నా బుగ్గన సిగ్గులు నీవై
నా అలోచనాసరళే నీవై
నా చిరునవ్వులన్నీ నీకిస్తా!!

మన ఇరువురిది ఒకటే గమ్యమై
మనం ఒకరికొకరు ఒకరిమై
మనం మరికొందరికి ఆదర్శమై
మన జీవనయానం సాగిద్దాం!!!

అతడే నేను...

అతనన్నాడు:-
నాకు అర్థం కాదని
గాజువంటిది తన మనసని
రాతిగుండెలాంటిది లోకమని...

నేనన్నాను:-
ఆ మనసు నాదని
దాన్ని అతనికెపుడో ఇచ్చేసానని
రాయిగా మనసుని మారనీయకని...

అతనన్నాడు:-
నాకు లోకాన్ని చుపుతానని
ఆనందానికి నిర్వచనం తనేనని
పరుల మాటలు పట్టించుకోవద్దని...

నేనన్నాను:-
నీ కళ్ళలో నాలోకం ఉందని
అతని నవ్వే నా ఆనందమని
పరాయిగా నన్ను చూడకని...

అతనన్నాడు:-
నాకు తోడై ఉంటానని
కంట నీరు రానీయనని
జీవితాంతం నాతోనేనని...

నేనన్నాను:-
నా నీడై నడచిరమ్మని
కలతలకు తావీయనని
నా జీవితమే అతడని...

కవిత రాయలేను....

ఓ చేతిలో కలంతో కాగితంపై గీస్తూ
మరోచేతి గోళ్ళను మునిపంటితో కొరికేస్తూ
కలువల్లాంటి కళ్ళకి శూన్యాన్ని చూపిస్తూ
మెదడుకు మేతను తినిపిస్తూ.....

హృదయాన్ని తికమక పెట్టేస్తూ
మీ పెదవులపై నవ్వుని విరబూయిస్తూ
మంచి కవితనొకటి రాయాలని యోచిస్తూ
నడిరేయంతా మేల్కొన్నాను ఆలోచిస్తూ....

నాలుగక్షరాలని అటువిటు రాస్తూ
మురిసిపోయాను పైన క్రింద చదివేస్తూ
నా పిచ్చి రాతలనుండి మిమ్మల్ని రక్షిస్తూ
సమయం మేల్కొల్పింది నన్ను వెక్కిరిస్తూ....

నా రాతలు!


రాతలతో నా స్నేహం.......
అక్షరాలతో నా అనుబంధం!
నేను రాసే వివిధ పదాలు.......
తెలియకుండానే నా ప్రియనేస్తాలు!
నూతన పరిచయాల యత్నం.....
నన్ను నేను శోధించుకునే ప్రయత్నం
కవితలలో రాసే నా ప్రేమ.......
తెలుపుతుందది నామది చిరునామ!
విధి లిఖించిన నుదిటి రాతలు.....
వాటిని మార్చలేవు ఏ కవితలు!
ఇలా రాయడంలో వుంది నాకు తృప్తి....
అదే నేను రాసే ఈ రాతలకు స్పూర్తి!
నా రాతలకు మీరంతా స్పందిస్తున్న తీరు...
మీ అందరికీ నేను చేస్తున్నాను జోహారు!

అతివ అతిచిన్ని ఆశ!!

కనీసం ఇవ్వుంటే చాలు.....
ఇంకేం నాకు అక్కర్లేదు.....
అందరిలాగ అడిగేదాన్నికాను!
కొందరిలాగ కొసిరేదాన్నికాను!

అందమైన ముఖవర్చసు...
దానికి తగిన సున్నిత మనసు...
ఆజానుబాహుడు, ఎత్తు మాత్రం ఆరడుగులు!
ప్రేమించడంలో నాకన్న ముందు రెండడుగులు

ఏదో మెడలోకి ఒక మోస్తారు వజ్రాల హారం.
పెళ్ళికి విచ్చేసిన వారికి చిన్ని విందుఫలాహారం...
వెన్నెలరేయికై ఏలాగో తప్పదు చంద్రమండల విహారం!
తిరుగు ప్రయాణంలో తప్పవు బహుమానాల పరిహారం!




మాకంటూ ఉండాలి కదా ఒక గృహం...
ఇరువురికీ కావాలి చెరొక వాహనం...
ఇంటిలో పనికై తప్పరు నౌకిరీజనం!
ఇంటి ముంగిట అందమైన నందనవనం!

సంధ్యవేళ సమయానికి రోజూ శ్రీవారు...
క్రమం తప్పకుండా ఇంటికి వచ్చేస్తారు...
చిలిపి తగాదాలు తప్పవు ఎప్పుడో ఒకమారు!
సాగిపోవాలి సరదాగా సంసారపు జోరు!



చిరునవ్వుతో శ్రమించడం శ్రీవారి వంతు...
శ్రీమతికి తప్పదు చిన్ని ఖర్చుల తంతు...
నెలకి ఒకసారి స్వదేశంలోనే చిరు వినోదం!
ఏడాదికోమారు విదేశీయానంతో కనులకానందం!


అడగకపోయినా అబ్బురపరిచే బహుమానాలతో...
వారాంతంలో ఖరీదైన హోటల్లో విందువినోదాలతో...
పరాయి స్త్రీని కన్నెత్తి కూడా చూడని ప్రేమానురాగాలతో!
అప్పుడప్పుడూ కాస్తో కూస్తో సెక్యూరిటీ డిపాజిట్లతో!


కనీస అవసరాలివి అనుకున్న కాంత..
చివరికి ఒక మార్గమున్నది మగవాని చెంత...
సన్యాసిగా మారడమే అతని మార్గమంట!
అతివా అతిగా ఆశపడడం ఎందుకంట???

(మనవి:- ఇంగ్లీష్ మెయిల్ ని నాదైన రీతిలో మీతో పంచుకోవాలన్న తాపత్రయమే ఈ ప్రయత్నం అంతే కానీ ఎవరి మనసునీ నొప్పించాలని కాదు!
)

ఓ! మహిళా....

అమ్మవైనా....
ఆలివైనా.....
అక్కవైనా.....
ఆకాశమంత ఎత్తుఎదిగినా!
అమ్మాయివై అందంతో అలరించినా!
ఆకతాయిగా అల్లరితో మురిపించినా!
'అ" అక్షరం నుండి 'అం' 'అః' వరకు!
ఆదియు అంతము నీవే కదా మనుగడకు!!
అందుకో మహిళాదినోత్సవ శుభాకాంక్షలు నీ కొరకు!

ఇలా సాగిపోనీ!


కలలోనైనా వినని ఆ పలుకులు....
కర్ణంలో ప్రతిధ్వనిస్తున్నాయి పలుమార్లు!

పతనానికి కారణం కావు నా భాధలు...
భాధిస్తున్నవి పతనానికై జరిగిన పలుచర్చలు!

ఏమని వర్ణించమనేది ఈ సౌందర్యాలు....
అంధునికి అందించి కళ్ళజోడు పలుమార్లు!

జీవనపయనంలో ఈ షరా మామూలు....
సాగించక తప్పదు ఇలా అంచెలంచెలు!

తెలియదు!


నా కనులకు కలలు కనడం తెలుసు
నిన్ను మరువడం మాత్రం తెలియదు..

నీ తోడు నేను కానని తెలుసు
నీనుండి దూరమవడం మాత్రం తెలియదు..

నా పెదవులకు నిన్ను పిలవడం తెలుసు
పరుషంగా మాటలతో గాయపరచడం తెలియదు..

నీ నీడనైన నాకు నీవు తప్ప నీ స్పర్శ మాత్రం తెలియదు..
నా ఊపిరైన నిన్ను వదలి తుదిశ్వాసను వీడడం నాకు తెలియదు!

చేసెయ్ బాసను!

నిన్ను వీడి క్షణముండలేను...
మరణాన్నికూడ దరిచేరనివ్వను!
నీతోనే కలసి జీవిస్తానన్నాను...
చేసిన బాసను నేనెన్నడు మరువను!

కలసిన వేళ కష్టాలేనని తెలుసును...
అయినా నిన్ను కలవక నేనుండలేను!
అధైర్యంతో ఎన్నడూ వెనుకడు వేయను...
నీతోడు లేనిదే ముందడుగు వేయలేను!

నాలోని భావాలే నీవైతేను...
నన్ను నీవుగా అనుకుంటేను!
నా చేతిలో చేయి వేసి నీవును...
చేసెయ్ కలకాలం కల్సుంటాననే బాసను!

పండుగ సంబరాలు

ముగ్గుల ముంగిళ్ళు
గోబిపూల గొబ్బిళ్ళు
పాల పొంగుళ్ళు
బోసినవ్వుల భోగిపళ్ళు....



రంగురంగుల గాలిపటాలు

హరిదాసుల కీర్తనలు
కొత్త అల్లుళ్ళ మురిపాలు
ఇవి సంక్రాంతి సంబరాలు....



కోడిపందాలతో కనువిందు
గారెబూరెలతో పసందైన విందు
ధాన్యరాసులు చేరు గాదెలయందు
కనుముక్కనుమలు మనకెంతో పసందు..



సంక్రాంతి శుభాకాంక్షలు అందుకోండి మీరందరూ!!!


కలనైనా.....

కనులకు కాటుకదిద్దాను
కలలోకి నీవు వస్తావని...
కనులు నులుముకుని చూసాను
కన్నీరై కరిగిపోయావు ఎందుకని???


కనికరించి నీవు కలలోకి వస్తానన్నావు
కలువరేకులై విచ్చుకున్నాయి కనులు...
కనుల కాంతులను తట్టుకోలేక దూరమైనావు
కలలు అయినాయి సాగరాన్ని తాకని అలలు...

కడకు కమ్మని కలవై కనిపించావు
కలలోనే నన్ను కౌగిలిలో బంధించావు...
కనులార్పకుండా చూడాలనుకున్న నాకు
కనులపై ముద్దాడి కనుమరుగైనావు...