కోమలి...కూల్ కూల్:-)

చలి చలిగా ఉంది
గిలిగింతలు పెడుతుంది
నన్ను కౌగిలించుకోమంది...
ఊలువస్త్రం/Winter wear:-)

మొహం పగులుతుంది
బయట మంచు కురుస్తుంది
నన్ను పూసుకోమంది...
వెన్న/Cold creams:-)

వింటర్ లో విప్పేయమంది
కొప్పుగా నన్నేల బంధింతువంది
విరబూసిన అందం చూసుకోమంది...
కురులు:-)

సాయంకాలం త్వరగా చీకటైంది
నా వేడిని నీలో దాచుకోమంది
అల్పాహారంగా ఆరగించమంది...
మిరపకాయబజ్జీ/పకోడీ:-)

వేడినీళ్ళ స్నానమాచరించమంది
తన ఒడిలో మేను వాల్చేయమంది
రేయంత వెచ్చగా నిదురించమంది...
పరుపు:-)

చలి చంపి ఒళ్ళు వణికిస్తుంది
చిరుగాలిని చొరబడనీయకంది
నువ్వు నేను ఒకటైపొమ్మంది...
గొంగళి/రగ్గు:-)

ఇది కవిత కాదండి.....పొద్దున్నే (మార్నింగ్ వాక్ లో) పుట్టిన పిచ్చి ఆలోచన, మన్నిస్తారు కదూ:-)