కౌగిలించుకుని ఆలోచిస్తే అర్ధమైంది
కనుక్కోవడం మరియు కోల్పోవడం
వదిలేయడం తిరిగిరావడం లాంటివి
అంతులేని నిరంతర ప్రక్రియలని...
జీవితం ప్రతొక్కరికీ ఇంకో అవకాశమిచ్చి
మరో ప్రారంభానికి నాంది పలుకునని!
నా అస్తిత్వపు వస్త్రాల్లో ఆనందం దుఃఖం
ఆశ మరియు నిరాశల దారాలు నిక్షిప్త
నమూనాల్లో పెనవేసుకోవడం చూసి నేను
ఏ పనైనా పరిపూర్ణతతో పూర్తి కాదనెంచి
నడచిన దారి తిరిగి చూసుకుంటే తెలిసె
ప్రతీనష్టం ఒక గుణపాఠాన్ని నేర్పగా...
స్వీకరించే ఓర్పు నేర్పులే పునరుద్ధరణని!
జీవితం చివర్లో ఒక బహుమతిచ్చింది
మరో అవకాశాన్ని కళ్ళముందు ఉంచి
పయనిస్తూ ప్రయాణాన్ని ఆపవద్దనంది
ఇక చేసేదేంలేక జీవితమిలా సాగిస్తున్నది!
