తొంగోకే తొమ్మిది..

తొమ్మిది ఒకట్ల తొమ్మిది
నీకే ఇచ్చేసాగా నా మది..
తొమ్మిది రెండ్ల పద్దెనిమిది
నీపై నాకున్న ప్రేమ గట్టిది..
తొమ్మిది మూళ్ళ ఇరవైఏడు
నువ్వే నాకు సరైన జోడు..
తొమ్మిది నాలుగుల ముప్పైఆరు
నువ్వు చూపించు నీ ప్రేమ జోరు..
తొమ్మిది ఐదుల నలభైఐదు
నీ మౌనం నాకు చాలా చేదు..
తొమ్మిది ఆరుల యాభై నాలుగు
నాకు కాకు దూరం ఇక ఆగు..
తొమ్మిది ఏడుల అరవైమూడు
నువ్వే కావాలి నా మొగుడు..
తొమ్మిది ఎనిమిదుల డెబ్బైరెండు
నువ్వు కలకాలం ఉండు తోడు..
తొమ్మిది తొమ్మిదుల ఎనభై ఒకటి
మనసావాచా అవుదాం ఇద్దరం ఒకటి..
తొమ్మిది పదుల తొంభై
నా చివరి శ్వాసకు చెప్పాలి నీవు బై..