కారుమబ్బు..

నా వద్ద ఉన్నవన్నీ ఇచ్చాగా

మనువు తనువు ఇంకా ఆత్మ

అలా చేయడం నాకచ్చిరాలేదు

అందుకే ఇప్పుడింకేం చేయను

రేయిలో వెలుగు వెతుక్కున్నా..

నాకు నలుపు అంటే ఇష్టంగా

నా నీడ నీ అత్మల నడుమ

రహస్యంగా ఏదో జరిగుంటుంది

అందుకే నిన్ను ప్రేమించాను

చీకటిని కైవసం చేసుకున్నా..

నా గురించి నీకిక చెప్పనుగా

నిన్ను కావాలని కోరడం భ్రమ

హామీలు బాసలు మూగబోయి

ప్రేమ ఏడారిలో ఒయాసిస్సైనా

రాత్రినే దారెటో చూపమన్నా..

నా ఈ చేష్టలన్నీ తప్పులేగా

నన్ను నేను కోల్పోవడం వ్యధ

తిరిగి ఎదగాలన్నదొక అభిలాష

దాని కోసం దారినే మార్చుకుని

నిశినే నిండుకాంతి కోరుతున్నా..