తన కోణం..

వివాహితలు కూడా ప్రేమలో పడతారు

మెడలో మంగళసూత్రం కాలిమెట్టెలతో

కొన్ని భావాలు నచ్చేసి వారికి లోబడి

చెప్పకూడదని తెలిసి అన్నీ చెప్పేస్తారు!

అలాగని తను బరితెగించిందనుకునేరు

చెడ్డదని మచ్చవేస్తారు కల్పిత కధలతో

మీకేం తెలుసని తనలోని భావాలజడి

ఆమెలా మీరు ఎందుకు ఆలోచించరు!

స్రీలు శారీరకంగా పెళ్ళి చేసుకుంటారు

లోన కుమిలేరు మానసిక కన్యత్వంతో

వారి మనసుని తాకలేదే ప్రేమ ఒరవడి

తనని అర్థంచేసుకున్న వారిని వదలరు!

మెచ్చిన వారెదుట తెరచిన పుస్తకంవీరు

నమ్మినవారి ముందు నిలచు నిర్లజ్జతో

మోసగిస్తే చూపిస్తారు నగ్ననటనాగారడి

సొంత బ్రతుకుతో సర్వత్యాగం చేస్తారు!