జీవితబొంత

జీవితంలో జనం అతుకులబొంతలా కలుస్తారు

కొందరు కోరుకున్న దానికంటే పెద్ద ముక్కగా

కొందరేమో చిన్న ముక్కలుగా జతకూడతారు!

జీవనబొంతలో వివిధ గుడ్డపేలికలై సాగుతారు

కొన్నిపేలికలు చికాకు పెట్టే చతురస్రాకారంగా

మరికొన్నేమో ముతకదారపు పేలికలైమిగిలేరు!

జీవించడానికి రంగుబట్టలెన్నో అతుకుతుంటారు

కొంతమందిని పనికిరాక మనం వదిలివేస్తాంగా

కొంతమందేమో బట్టముక్కలై కుట్టేయబడతారు!

జీవనానికి ప్రతీ గుడ్డముక్క అవసరమనితెలిపేరు

కొద్దిపాటి గుడ్డలు నాలుగుమూలల అతికినట్లేగా

కొద్దిపాటి జనమేమో చిరిగిపోయి విడిపోతారు!

జీవించేబొంత చాలాచిన్నదని తెలుసుకున్నవారు

కొంతకాలం ఉండిపోవారి నుండి ఏం కోరరుగా

కోరివచ్చిన వారి మనసున చిరకాలం ఉంటారు!