పేదవాని ప్రార్థన!

జీవితమా....మా ఇంట అడుగిడుమా
మా స్థితిగతులను కాస్త కనుమా
తెలుపనా మాఇంటి చిరునామా
నాలుగు వైపులా గోడలే లేవుసుమా!

జీవితమా....లేదు నీకు తలుపు తట్టవలసిన అవసరం
గుబులుతో గుమ్మం పలుకుతుంది మీకు స్వాగతం
పైకప్పుకి తెలుసు ఎండావానల తులాభారం
కటికనేల పైనే నిన్ను కూర్చుండబెట్టే పేదలం!

జీవితమా....మా ఇంట అడుగిడుమా
మా ఇంటి మారుపేరు ప్రేమా
నీ నీడలో మమ్ము తలదాచుకోనీయుమా
కాస్త చేయూతనిచ్చి మమ్ము కాపాడుమా!

జీవితమా....మా అభిమానమే నీకు ఆతిధ్యం
బోర్లించిన బొచ్చెలని చూసి నీవు చేయకు పరిహాసం
మా ఇంట ఏమున్నది నీకు తెలియని రహస్యం
నీ ఆదరణతో విరియాలి మా పెదవులపై దరహాసం!

జీవితమా.... మా ఇంట అడుగిడుమా
ఆకలి తీర్చి మా ప్రాణాలని నిలుపుమా
ఆగలేక అర్థిస్తున్న మా గోడు కాస్త వినుమా
మా ఇంట ఆనందాలని కురుపించుమా..ఓ జీవితమా
!

24 comments:

  1. బాగా చెప్పారు పేదవాడి జీవితం గురించి.

    ReplyDelete
  2. oka peda vadiki ii kavitha chupisthe mimmalni oka devatha laga chuse avakasam undi...!!!

    naku oka doubt..manchi manchi bommalu pedtharu..avi kuda meeru vestahara?

    ReplyDelete
  3. గణేష్ గారు Thank Q!

    మధురవాణిగారు ధన్యవాదాలండి!

    kiran...మరీ దేవతతో పోల్చడం ఏమిటి???:) ఇంక బొమ్మల విషయానికి వస్తే పెయింటింగ్ అంటే నాకు ఎంతో ప్రియం, సాధ్యమైనంత వరకు నా కవితలకి నేను వేసినవే పెట్టాలి అనుకుంటాను కాని అన్నింటికీ కుదరక వీలున్నప్పుడు నేను వేసినవి పెడుతుంటాను.thanks for compliment!

    ReplyDelete
  4. కలివిడిగాకాక విడివిడిగా బ్రతుకుతున్న నేటి జీవన విధానంలో కుటుంబమంతా కలిసి భోంచేస్తే అదే పెద్ద సోషలిజం.మరి మీ కవిత అంతకు మించిన హ్యూమనిజంతో పేద బ్రతుకుల జీవన నిజాలను తెలపి వెన్ను చరచింది.

    ReplyDelete
  5. "మా ఇంటి మారుపేరు ప్రేమా
    నీ నీడలో మమ్ము తలదాచుకోనీయుమా"

    నిజమండి. ప్రేమే జీవితాలని నడిపిస్తోంది. ప్రేమకి పేదరికం లేదు.

    మీ పెయింటింగ్ కూడా చాలా బాగుంది. keep it up.

    ReplyDelete
  6. పేదవాని హృదయాన్ని కూడా చదివేసారా...:)Good!

    ReplyDelete
  7. meeru jeevitam ni chala baga chusaru andi...

    ReplyDelete
  8. nijam ga etharula jeevathalu chadavadam... oka kala.
    Keep it up. God bless you in ur writings.

    ReplyDelete
  9. బాగుందండీ..
    ఫోటో సరిగ్గా అతికినట్టు సరిపోయింది..కవితకు తగిన ఫోటో పెట్టడం మీకు కొట్టిన పిండే ఐనా చూసిన ప్రతీసారీ చెప్పాలనిపిస్తుంది. ఇంతకూ అది మీరు గీసిన పెయింటింగా?

    ReplyDelete
  10. ఉమాదేవిగారికి,సుమిత్రగారికి, సృజనగారికి,నవీన్ గారికి, శేఖర్ గారికి ధన్యవాదాలు!

    ఈ పెయింటింగ్ ఇంకా పూర్తికాలేదు, వేరొకదాన్ని చూసి వేస్తున్నానండి...గమనించారా! కవితకు సరిపోయింది కదా అని కట్ చేసి పెట్టాను. నచ్చినందుకు ధన్యవాదాలు.

    ReplyDelete
  11. అంతా నచ్చింది కానీ ఈ రెండు లైన్ల మీద మనసు పారేసుకున్నా

    జీవితమా.... మా ఇంట అడుగిడుమా
    ఆకలి తీర్చి మా ప్రాణాలని నిలుపుమా

    బాగుందండి

    ReplyDelete
  12. kavita and painting both are excellent mam.

    ReplyDelete
  13. ప్రతి లైన్ కదిలించింది..కింది రెండు లైన్ లు మాత్రం పదే పదే చదివా!!

    "తెలుపనా మాఇంటి చిరునామా
    నాలుగు వైపులా గోడలే లేవుసుమా!"

    ReplyDelete
  14. nice one amDi, chala baga chepparu.

    ReplyDelete
  15. This comment has been removed by the author.

    ReplyDelete
  16. nice
    mi blog lo pics painting too good

    ReplyDelete
  17. Your blog is outstanding..

    Thanq..

    ReplyDelete
  18. జీవితమా....మా అభిమానమే నీకు ఆతిధ్యం
    బోర్లించిన బొచ్చెలని చూసి నీవు చేయకు పరిహాసం
    మా ఇంట ఏమున్నది నీకు తెలియని రహస్యం
    నీ ఆదరణతో విరియాలి మా పెదవులపై దరహాసం!
    చాలా నచ్చింది. గుడ్..

    ReplyDelete
  19. "తెలుపనా మాఇంటి చిరునామా
    నాలుగు వైపులా గోడలే లేవుసుమా!"

    చాల చాల బాగా చెప్పారు అండి....

    ReplyDelete
  20. పేదవాని ప్రార్ధనా జీవితం పెద్దవారి సుఖజీవనం ప్రేమలేనిదే సమస్తం వ్యర్ధం! చాలాబాగుంది!! కొనసాగించండి!!!

    ReplyDelete
  21. cAlA bAgA cEppAru. abhinandanalu. How did I miss this blog?

    ReplyDelete
  22. This comment has been removed by the author.

    ReplyDelete