నేరం..

వాహ్ వా...ఎంత అందమైన ఆత్మవంచన
కవితలని పద్యాలని పదాలు పేర్చి రాయడం
శవమై తనని తానే భుజాలపై మోసుకోవడం
అద్దాలంటి అక్షరాల్ని అమ్ముకోవాలన్న ఆశతో 
అందరూ అంధులున్న నగరంలో తిరగడం!!

పాడెకమ్మీల కర్రను వేణువుగా మలచి మీటి
శ్రావ్యమైన రాగాన్ని వినిపించాలి అనుకోవడం 
నిరాశ నిట్టూర్పులతో స్మశానమంతా నిండగా
చచ్చిన ఆశలకు ఊపిరి పోయ పూనుకోవడం 
వేదనలు పురివిప్పి నాట్యం చేస్తూ నవ్వుకోగా  
ఆనందకేళీ విలాసమే అదంటూ మురిసిపోవడం 
అంచనాల అంకురాలన్నీ చెదలుపట్టి కూలిపోగా  
అందమైన ఆలోచనలే ఆరోగ్యకరమని అల్లుకోడం 
గాయాలు సరసమని సలపరాన్ని మరీ పెంచగా    
కన్నీరు రానీయకంటూ నవ్వులో దాచుకోవడం!!
భావాల గొంతుపిసిగి ఆత్మహత్య చేసినంత పాపం   

25 comments:

  1. అంతర్లీనంగా తెలియని వ్యధను దాచినట్లుంది పోస్ట్
    ఎంత వరకూ నిజమో తెలియదు...కవితలో డీప్ ఫీలింగ్.

    ReplyDelete
  2. అచ్చు హల్లుల అక్షరాలకు భావం కలగల్పితే కవితయని
    వెదురులో గాలి గమనం వేణు గానమవుతుందని
    ప్రాణమున్ననాళ్ళే జీవాత్మతో పలకరింపులని
    పరమాత్మలో లీనమైయ్యాక అదే కాటిలో కాష్టమని
    బాధలని ఓర్పు సహనం ఓపికతో భరించాలని
    సంతోషాన్ని సమాజంలో నలుగురితో పంచుకోవాలని
    సాధారణంగా కనిపించేవి కూడా అసాధారణమేనని
    నిన్నటి గాయం మెల్లిగానైతేనేమి మానిపోతుందని
    ఒకింత ప్రేరణ ఇస్తూనే.. మునుపటి రూపంలో ఉన్నా వాటి ఇప్పటి విలువలను మరిచి సర్వసాధారణంగా ఏదో ఒక నెపంతో అభాండం వేస్తారు అని మీరు మీ కవితలో చెప్పిన తీరు బాగుంది పద్మగారు.

    నిజమే కారు ఢీకొట్టినప్పటి గాయాల బాధను తట్టుకుని గత వారం రోజులుగా నేను పడిన యాతన అంత ఇంత కాదు.. మెల్లగా కోలుకుంటున్నాను.. కాలమే ప్రశ్న కాలమే సమాధానం.. కాని కాలానికున్నంత సహనం నిబద్దత అందరిలో ఉండాలని చెప్పిన ఈ మీ కవిత ఆలోచనాత్మకం పద్మగారు.

    జై శ్రీరామ్

    ReplyDelete
    Replies
    1. తమిళంలో నేరం అంటే సమయం.. వ్యథభరిత సంఘటనలు ఏదైనా గాని సమయమే సమాధానమిస్తుంది.. తెలుగులో ఐతే నేరమనేది మహాపాతకం.. ఆత్మవంచనతో లోలోపలే దుఃఖాన్ని దిగమింగనులేకా కాదని లేని సంతోషాన్ని నటించటము రాకా అయోమయ స్థితిలో భావాలని మనసనే "ఊటబావి" లో మోయటం రాకా.. నవ్వనే ముసుగుతో దాచనులేక.. అలసిన మనసులో మెదిలే భావాలను "ఉట్టి" పై వేలాడదీసిన భావాల కంఠం నులిమి బల్వన్మరణానికి ఉసిగొలిపే తత్వం మీకు "అజ్యం తో పెట్టిన హవనం" వంటిది.. పరిపూర్ణ స్వాహా. (చిన్న విశ్లేషణ)

      Delete
    2. సవరణ:
      "కంఠం నులిమి.. .. తత్వం మీకు" అని ఉన్న లైన్ ను "కంఠం నులిమి.. .. తత్వం అంటు విశాదాన్ని విశదికరించటం మీకు" అని అనుకోగలరు.

      ఆ లైన్ ను మరల చూసినపుడు తప్పు దొర్లిందని తెలిసొచ్చింది పద్మ గారు. అన్యథ భావించకండి.

      Correction in the Above Lines: The Previous Comment gave a wrong meaning and was not in line with what I thought to describe.
      I wanted to convey that you have the ability to mould even grief in a manner where it finds a sensible place in your poem without changing the original theme.

      Delete
  3. krish ki kashtam klishtam this kavita .

    ReplyDelete
  4. గంభీరంగా సాగిన మీ కవితకు
    రమణీయమైన చిత్రానికి నా జోహార్లు.

    ReplyDelete
  5. కన్నీరు రానీయకంటూ నవ్వులో దాచుకోవడం..its very hard to hide tears when we are sad.

    ReplyDelete
  6. అందరూ నేరగాళ్ళు అంటే ఒప్పుకోము :)

    ReplyDelete
  7. అర్థం చేసుకోవడం కష్టం మిమ్మల్ని మీ అక్షరాలను పద్మాజీ
    పెయింటింగ్లోను పూర్తి అర్థం కనబడలేదు.....:( :( :(

    ReplyDelete
  8. చచ్చిన ఆశలకు ఊపిరి పోయడం అసాధ్యం.

    ReplyDelete
  9. అనుభవాలను అక్షరాల్లో అందించండి.

    ReplyDelete
  10. అంచనాల అంకురాలన్నీ చెదలుపట్టడం
    అందమైన ఆలోచనలే అల్లుకోడం
    గాయాలు సరసమని సలపడం...మీకు ఇటువంటి వాక్యాలు థాట్స్ ఎలా వస్తాయో?

    ReplyDelete
  11. శవమై తనని తానే భుజాలపై మోసుకోవడం...నిజమే ఆత్మవంచన.

    ReplyDelete
  12. వేదాంతం చెప్పి వైరాగ్యాన్ని భోధించడం నీకు సరిపడదు పద్మార్పిత.

    ReplyDelete
  13. పాడెకమ్మీల చర్చ నీకేల
    పరవశంగా పాడితే చాలు
    నిట్టూర్పులను దరిచేరనీకు
    నిండుజాబిలివోలె వెలుగు
    వేదన ఊసులు నీకు వద్దు
    నవ్వులు నీ ముఖానికి ముద్దు..

    ReplyDelete
  14. మరీ ఇంత వేదన నిట్టుర్పు భావాలు అవసరమా పద్మా
    హాయిగా ఆనందంగా నవ్వుకునే నాలుగు మాటలు రాసెయ్

    ReplyDelete
  15. తుపాకీ తూట్లు మీ అక్షరాలు భాధించినంత భాధపెట్టవు మాడం.

    ReplyDelete
  16. ద్దాలంటి అక్షరాల్ని అమ్ముకోవాలన్న ఆశతో
    అందరూ అంధులున్న నగరంలో తిరగడం..హైలెట్

    ReplyDelete
  17. awesome painting didi

    ReplyDelete
  18. మనం బ్రతికి ఉన్నప్పుడు భావాలూ నిత్యం మనతో ఉంటాయి. అవి చనిపోవాలి అనుకోవడం మనలోని నిట్టుర్పుల చరమస్థాయి. అటువంటి ఆలోచన్లని హత్య చేయాలి అంతే కాని మన భావాలోచనలను కాదు-హరినాధ్

    ReplyDelete
  19. హ్యాపీ పోయట్రీ దినోత్సవం
    పోస్ట్ వ్రాయండి మేడం-

    ReplyDelete
  20. అక్షరాలు అద్దాలు
    మనలోని లోపాలు చూపునని చక్కగా రాసారు.

    ReplyDelete
  21. విడి విడిగా సమాధానమిస్తూ అభివందనాలు తెలుపుకోలేకపోవడం...నేరం నాది కాదు సమయభారానిది....మన్నిస్తారు కదూ....అందరికీ నమస్సుమాంజలి._/\_

    ReplyDelete