ఏడుపులేదు :)

రాత్రి ఏడవలేదెందుకో తెలిసింది 

నా వ్యధలన్నింటినీ మరచిపోయి 

నిబ్బర గుండెతో తల వాల్చేసి.. 

నిరాశ వీడి ఓర్పుని వాటేసుకుంటే 

కలిగిన నిశ్చింతతో  ఏడవలేదు!

ప్రేమ ప్రాంగణంలో పక్షిలా ఎగిరి 

అనురాగ తీపి ఫలాలని ఆరగించి 

పువ్వుల పరిమళాన్ని ముద్దాడి.. 

నిన్నటి కష్టాలకి రెక్కలు కట్టి వదిలి 

తేలికబడ్డ మనసుతో  ఏడవలేదు!

కన్నీటినే విత్తనాలుగా విసిరేసి

ఆనందాన్ని ఉద్యానవనంగా మలచి 

నవ్వుల్ని పన్నీరులా గుప్పిటతో చల్లి..

సంతోషాన్ని దుప్పటిగా పరచి పడుకుని

గాఢనిద్రలో ఏడుపురాక  ఏడవలేదు!