వ్యధాప్రవాహం..


నీకు సరిహద్దులంటూ ఏమీ లేవుగా
ప్రవహించు కన్నీరా ప్రవహిస్తూనే ఉండు
హృదయ వ్యధలన్నీ తీరేలా ప్రవహించు


నీవు కంట జారితే వేదనలు కరిగేను
నీకు నేనేం గిరిగీయలేదుగా పొంగుతూ 
సగం ప్రవహించి ఆగే నదిలా కాక 
సాగరంలా ఉప్పొంగి రోధించు...


కనుల భాషను కన్నీటి రూపంలో చెప్పి
వేదన తీరి మది భారం తీరేలా రోధించు
లోపల బడబాగ్నిని ఎవ్వరూ చూడలేరు
కనురెప్పల కదలికతో నువ్వు కాంచి చల్లార్చు!

34 comments:

  1. కన్నీటికి స్వాగతం
    వేదనతోనా?
    వేడుకతోనా?
    తెలుపలేదు.

    ReplyDelete
  2. రాగద్వేషాలకు తుది మెరుగులు
    హావభావాలకు కొస మెరుపులు
    బాధ నుండి బయట పడటానికి హంగులు
    కన్నీటి ప్రవాహాన్ని ఆపటానికి చిరునవ్వు ఆనకట్టలు
    కట్టలు తెంచుకున్న వేదనకి ఆనందపు అమరికలు
    అరమరికల జీవితానా రాజితో సరిదిద్దుడు పూతలు

    సంతోషాన్ని తెలుపటానికైనా చాలి చాలని చిన్ని జీవితమిది
    వేల జన్మలు తపము చేసిన గాని దుర్లభమైన జీవితమిది
    మిథ్య కి సత్య కి నడుమ ఊగిసలాడే చిరు జీవితమిది
    కాదంటిరా పద్మ గారు..!

    ~శ్రీ~
    మాధవ నారాయణ విష్ణు

    ReplyDelete
  3. ఏడిస్తే మనసు బరువు తగ్గునేమో కానీ కష్టాలు తీరవు మాడంజీ😢

    ReplyDelete


  4. ఏడిస్తే మీ మదిలో
    భారము తీరంగ వచ్చు పద్మార్పిత ! కా
    నీ రవ్వంతయు కష్టము
    లారవు తీరవు జిలేబి లావుల్ దప్పున్ !

    జిలేబి

    ReplyDelete
    Replies
    1. ఏడుపు కూడా ప్రాసలు
      వీడక నేడ్వంగ వలయు విబుధా ! పద్యం
      తేడాగా నేడిస్తే
      బాడబులకు నేడ్పు వచ్చి పడి పడి తిడుదుర్ .

      Delete


    2. ప్రాసల ఊసులు మనకే
      లా! సారూ ! యేడ్పుగొట్టులకు కొదవే లే
      దౌ ! సమరంబున కైనా
      ఓ సామే, సరసపు సరిజోదులు గురువుల్ :)

      జిలేబి

      Delete
  5. వేదనలోను వేడుకలోను వ్యధల్లో నవ్వడమే అని చెప్పి ఏడవడం ఏమిటో అంతుచిక్కకుంది.

    ReplyDelete
  6. కలువాల కన్నుల్లో కన్నీటి కాలువలా..?
    మనోహర మనో వీధిలో విషాధ గీతికలా..?
    ఓదార్పు నీడన నిట్టూర్పు జాడలా....?
    ఏమిటీ దైన్యం, ఎందుకీ నైరాశ్యం..?
    మళ్ళీ మరలి రావమ్మ వసంతమా..!
    వినిపించుమా వుల్లాస కవితా సరాగమా..!

    ReplyDelete
    Replies
    1. పది మార్లు పలకరించగ
      తొమ్మిది మార్లు వేదన తరిమే
      ఎనిమిది దిక్కులు పెక్కటిల్లే అశనిపాతపు కేకలకి
      ఏడు వర్ణాల హరివిల్లు సైతం కన్నీరు మున్నీరాయే
      ఆరు ఋతువులలో వర్షాకాల భీభత్సమే
      పంచ భూతాలను సరిసమాన రీతిలో పలకరించ
      నాలుగు మార్లు బతిమిలాడితే వినీలాకాశాన్ని
      మూడు నాళ్ళ ముచ్చటగా తిరుగు పయనమయ్యే
      రెండే రెండు రోజుల యెడతెరిపి
      ఒక్క ముక్కలో జడివాన తుప్పెర

      Delete
    2. ఇక్కడ చిన్నపాటి కవిసమ్మేళం మరిపిస్తుంది..భళ్ళారే

      Delete
    3. the one who can view the whole world with compassion and who can visualize the whole world as a single entity is the best photographer..till date.. it is the god himself..

      may all your wishes come true
      good morning goutami gaaru

      om atchutanantamadhavamukundaramadhavaraaghavanarayananarsimhadaamodaradaasarathivenkateswaravamana

      Delete
  7. నీ కన్నులు కైపెక్కించాలి..
    కానీ కన్నీటి తెరల మాటున తడవకూడదు
    నీ ముఖం తెల్లని పద్మంలా విప్పారుతూ వుండాలి
    కానీ ఎర్రమందారంలో ఎరుపెక్కకూడదు..
    నీ కవితలు అందరినీ అలరించాలి
    కానీ దుఃఖంతో మనసు తడమకూడదు

    ReplyDelete
  8. హృదయ పలుకులు ఆవేదనలైతే
    అన్ని రాత్రులు అమావాస్యలే..
    సమస్యలు సాగరపు సునామీలైతే
    సంతోషాలు మునిగే సుడిగుండాలే!

    ReplyDelete
    Replies
    1. Philips 9W Cool Day Light LED Bulb.. Chesthundi Mee Prati Amavasya Nishidhini Punnamilaa..

      Delete
    2. Global Maritime Distress and Safety System along with Tsunami Warning and Cyclone Warning Systems will help necessitate and capture early signals of fatal Tides..!

      Delete
  9. వ్యధలు తెలియని అగాధం
    ఆశ అనుక్షణం పసితనం
    వయసేమో నెమలి నర్తనం
    నవ్వితే నిత్యము యవ్వనం
    గుండె గోదారిలా పరవశం
    కలలు నెరవేరితే వసంతం
    మనసు వెన్నెల్లో విహంగం
    జీవితం గలగలపారే జలపాతం
    ప్రతీ జన్మసరిగమల సంగీతం..

    ReplyDelete
  10. కన్నీరు చాలా విలువైన
    వృధాగా పోనీయ వద్దు.

    ReplyDelete
  11. సాగరంలా ఉప్పొంగి రోధించు
    సముద్రమంత కన్నీరు అవసరమా మాడంజీ/

    ReplyDelete
    Replies
    1. ఆనందమొస్తే ఆకాశమంత సంతోషించరు.. చిరునవ్వు నవ్వి వెంటనే నార్మల్ అయిపోతారు.. కాని అదే దుఃఖం వస్తే సంద్రమంత కన్నీరు కార్చుతారు నార్మల్ అవ్వటానికి కూడా కొద్దొ గొప్పొ టైమ్ పడుతుంది.. ఎందుకి వ్యత్యాస..
      అన్ని భావోద్వేగాలు మనసుకే సొంతం.. అటువంటప్పుడు సంతోషానికి కేటాయించని సమయాన్ని దుఃఖానికి వేదనకి కేటాయించి మథన పడతారెందుకు అని ప్రశ్నించే ప్రయత్నంలో బహుశ పద్మ గారు ఈ కవితను రాసి ఉంటారు నందుగారు..!

      Delete
  12. సుఖంగా ఉన్నప్పుడు నవ్వి కష్టాలలో ఏడవడం మానవుడి సహజ లక్షణం.

    ReplyDelete
    Replies
    1. కనుల రాలే కన్నీరు..
      మోవిపై పూచే నవ్వు..
      సంతోషమే కాగా పన్నీరు..
      దిగులేల దరిచేరేనో శెలవివ్వు..

      సుఖ దుఃఖాలు జీవితం లో భాగమండి గౌతమి గారు

      Delete
  13. హృదయ వేదనలు అంతులేనన్ని :(

    ReplyDelete
  14. గిట్ల జీవితం కడదాక ఏడ్వమంటె
    గెట్లా ఏం జేసేది కష్టం తల్లో

    ReplyDelete
  15. కన్నీటికి అదుపు హద్దులు లేవంటే రెచ్చిపోయి రోదనలు ఆపవు.
    అందుకే అన్నింటికీ ఒక హద్దు గిరి గీసుకుని బ్రతకడం మంచిదని నా ఉధ్ధేశం.

    ReplyDelete
  16. లోపల బడబాగ్నిని ఎవ్వరూ చూడలేరు
    కనురెప్పల కదలికతో నువ్వు కాంచి చల్లార్చు..

    ReplyDelete
  17. వేదనలో వేదాంతం

    ReplyDelete
  18. చల్లని సాయంకాల వేళ
    చినుకు ముత్యాల సడిలో
    గర్జిస్తున్న మేఘాల మెఱుపులో
    విఘ్నేశ్వర పూజ నిమిత్తం పండు పత్రిల మేళ

    పాలవెల్లి మొదలుకుని అర్కపత్రం వరకు
    ఆకు అలములన్ని దెచ్చి కుప్పగా పేర్చి
    గణపతికి ఘనస్వాగత తోరణాలు కూర్చి
    మొదటి రోజు పూజతో చివరి రోజు నిమజ్జనం వరకు
    భక్తి శ్రద్ధలతో మిము కొలిచే భక్తజనసందోహం
    చిన్న పెద్ద తేడాలేవి లేకుండా అయ్యేరు దాసోహం

    అంగడి నుండి తెచ్చా ఇంటికి
    పూజ పురస్కరం మొదలు రేపటికి
    అందరు బాగుండాలి ఇదే ఇందరి మొక్కు
    అందరిని కాపాడే గణపయ్య నీవే ఇక దిక్కు

    పద్మ గారు.. మీకు మరియు మీ కుటుంబ సభ్యులందరికి ముందస్తుగా వినాయక చవితి శుభాకాంక్షలు

    ~శ్రీ

    ReplyDelete
    Replies
    1. వినాయక చవితి శుభాకాంక్షలు

      Delete
    2. మీకు కూడా కమల గారు

      Delete
  19. అర్పితగారూ...ఓ మాంచి రొమాంటిక్ పోయం రాసేద్దురూ :)

    ReplyDelete
  20. _/\_ నా వ్యధల భావాలను, వేడుకాక్షరాలను సమంగా ఆదరించి స్పూర్తినిచ్చి రాయడానికి ప్రేరేపిస్తున్న అందరికీ నా వందనములు. _/\_

    ReplyDelete
  21. వద్దు వద్దు ఇటువంటి వ్యధలు.

    ReplyDelete
  22. వేదనలు అక్షరాల్లో చదవడానికి అందంగాను హార్ట్ టచింగ్ ఉంటాయి. జీవితంలో దరి రానీయకు.-హరినాధ్

    ReplyDelete