నీవులేక..

అసలేం అర్థం కాదు అంతూ చిక్కదు
నీకు నాకున్న బంధమేమో తెలియదు
నాతో నీవుంటే నిండుపున్నమి జీవితం
నీవు దూరమైతే ఊపిరి నిండా శూన్యం!

క్షణాలన్నీ శత్రువులై పగబట్టెనని తెలీదు
మది మెదడు కలుషితమైనా కానరాలేదు
నీవులేక చెప్పుకున్న ఊసులే చిన్నబోయె
చెప్పాలనుకున్న మాటలేమో మూగబోయె!

గమ్యం దారిలో గల్లంతై అడుగు పడ్డంలేదు
నీడ కూడా వదిలేసె అందుకే వెలుగులేదు
నిర్మానుష్యం జీవితంపై పెత్తనం చెలాయించి
నాకునే అపరిచితురాలినైతి నీకై ఆలోచించి!

ఎడబాటుతో వేదనింత దగ్గరౌతుందనుకోలేదు
గుండెమంట చల్లారే మార్గం తెలియడంలేదు
నాతో నీవు లేక మరణం నన్ను తాకనంది
జీవించడం చేతకాని బ్రతుకు నరకంలాగుంది!

71 comments:

  1. చిత్రంలో సుందరి ప్రియం
    ఆమె పలుకులు మధురం

    ReplyDelete
    Replies
    1. మీకు నచ్చిందిగా...సంతోషం.

      Delete
  2. మీ కవితలో విరహం వయ్యారాలు పోతుంది..పిక్ చాలాబాగుంది!

    ReplyDelete
    Replies
    1. విరహం వంకర్లు పోతుంది అంటే బాగుంటుందేమో :)

      Delete
  3. మీ ఈ ప్రేమ భావాలు చదివి పరుగున లగెత్తుకొచ్చేను ప్రియుడు, అంత లవ్లీగా రాసినారు పద్మార్పిత.

    ReplyDelete
    Replies
    1. లగెత్తుకొస్తే అప్పుడు ఇలా రాయలేనుగా :)

      Delete

  4. ప్రతిక్షణం దూరం అవుతున్నట్లు అనుకుని
    అనుక్షణం ఇంకా దగ్గర అవుతున్న భావన
    కాలాలు మారినా కలలు మారినా...
    మొదటిప్రేమ ఎప్పటికీ తరగదు చెరగదు

    ReplyDelete
    Replies
    1. తొలిప్రేమ తొణకదు అంత స్ట్రాంగ్ అంటారా ;)

      Delete
  5. పలకరిస్తే పలుకే మూగబోయే
    కను సైగ చాలు మతిపోయే
    కాని పలకరిస్తే కదా తెలిసేది
    కాని తిలకిస్తే కదా తెలిసేది
    నిన్న మొన్నటి దాక పెదవులపై చిరునవ్వు
    నేడేందుకనో కనురెప్పలు వాల్చింది చూసి చూడనట్టు
    క్షణాలన్ని నిమిషాలు.. నిమిషాలన్ని గంటలాయే
    గంటలు కాస్త రోజులు.. రోజులు నెలలాయే
    ఒకటి.. రెండు.. మూడూ.. యేళ్ళు
    ఒకటి.. రెండు.. మూడూ.. నెలలు

    విరహాన్ని సైతం సవివరంగా వర్ణించినారు పద్మ గారు
    రెట్రో ఇమేజ్.. రివైటలైజింగ్ పోయేమ్..

    ~శ్రీ~
    గణాధ్యక్షాయ గణాధిపాయ

    ReplyDelete
    Replies
    1. వో కౌన్ థా.. జో ఆయా ఉస్కే ఖయాలోఁ మేఁ
      ఘబ్రాయా హుఆ సా.. సికుడా హుఆ సా..
      మగర్ ఏక్ అప్నాపన్ థీ ఉస్కే హరేక్ బాత్ మేఁ
      సెహ్మా హుఆ సా.. అచ్రజ్ భరి ఆఁఖోఁ మేఁ సప్నా సా..
      వో కౌన్ థా.. జో ఆయా ఉస్కే ఖయాలోఁ మేఁ

      Delete
    2. "అక్షరాల వెనక దాగిన భావాలు పలికే అక్షరాలకు రాదేది సాటి
      భావం ముఖ్యం ఎనలేని అభిమానం తత్సమానం అదే దానికి తార్కాణం"

      సార్ మీకు బ్లాగ్ లేదా?
      పై వాక్యాలకు మరికొన్ని పోస్ట్లకు కమెంట్ పెట్టడం కుదరలేదు అందుకే పద్మార్పితగారి బ్లాగ్ లో రాశాను.

      మీ పోస్త్లు చాలా బాగున్నాయి. 

      Delete
    3. నమస్కారం కమల గారు..

      వీలు చిక్కినపుడు లేదా మనసు బాగోలేనపుడు లేదా మదిలోని భావాలను అక్షరాలుగా పేర్చి కవితగా లేదా పద్మ గారి బ్లాగ్ లో ఆమే రచించే కవితలకు మరి కొన్ని బ్లాగ్ లలో కమెంటుతుంటాను.

      నా వ్యాఖ్యలు మీకు నచ్చినందుకు సంతోషం కమల గారు.

      భావాలు అక్షరాల నయగారాలై కవితల సేలయేరులా ఉప్పొంగే "కావ్యాంజలి" ఈ నవంబర్ తో పదేళ్ళు పూర్తి చేసుకోబోతోంది.

      Delete
    4. మీ తిరుగు జవాబుకు ధన్యవాదాలు.

      Delete
    5. Sridhar Bukya garu..ధన్యవాదాలు అంటూ నమస్కరించడం తప్ప ఇంకేం రాయలేను

      Delete
  6. మీ కవితలు ఆశలజడికి చిరునవ్వులా అనిపిస్తాయి.

    ReplyDelete
    Replies
    1. ఆశలు తీరినా తీరకపోయినా నవ్వేయండి.

      Delete
  7. కారుమబ్బులు కమ్ముతున్నా
    భానుడు మండుతున్నా
    పక్షులు వలసపోయినా
    నువ్వెప్పుడూ నాతో ఉంటావు...
    ఉక్కపోతలో చల్ల గాలిలా
    బాధల్లో నాకు ఓదార్పుగా
    కషాల్లో చేయూతనిచ్చే హస్తంలా
    నువ్వు నాతో ఎప్పుడూ ఉండాలి...
    ఉంటావు కదా...నా నమ్మకం ఉంటావు

    ReplyDelete
    Replies
    1. ఇంత నమ్మకం మంచిదంటారా :)

      Delete
  8. క్షణాలన్నీ శత్రువులై పగబట్టెనని తెలీదు
    మది మెదడు కలుషితమైనా కానరాలేదు
    ప్రియుడిని ఇలా ఇబ్బందిలో పెడతారని తెలీదు.

    ha ha ha ha ha ...:) :) :)

    ReplyDelete
    Replies
    1. నేనా ఇబ్బంది పెట్టింది...ఎంతమాట :)

      Delete
  9. కరిగిన కాలం తిరిగిరాని జ్ఞాపకం
    తలచి నిలిచిపోతే సాగదు జీవితం
    తిరిగిరాదు నీకిష్టమయిన గతం
    ఆగిపోదు ఎన్నడూ వర్తమానం
    మరి తిరిగి రాని వాటి గురించి
    నీకు ఎందుకని ఇంత ఆరాటం
    అనుభవించు కష్టనషష్టాల జీవితం
    ఎదలోపల ఉన్నా ఎడబాటైనా
    తప్పదు జీవిత ప్రయాణం...

    ReplyDelete
    Replies
    1. మీ కవిత జీవిత సత్యం..ధన్యవాదాలండీ.

      Delete
  10. Very nice & artistic blog.

    ReplyDelete
    Replies
    1. welcome to my blog Somashekar garu.

      Delete
  11. అనంత అద్భుత ఆనంద సాగరానికే ఎడబాటు వేదన.....?

    ReplyDelete
    Replies
    1. క్షీరసాగరముపై శేషతల్పశయనుఁడు వైకుంఠనాథుడు సాక్షాత్తు శ్రీమన్నారాయణునికే
      తప్పలేదు శ్రీమహాలక్ష్మీ ఎడబాటు వేదన.. తిరోగమిస్తు పురోగమించే సాగరుడు మినహాయింపేమి కాదుగా.. పైపెచ్చు సాక్షాత్తు అయోనిజ వేదవతి వైదేహియైన సీత సాధ్విని జనకుని ఇంట చేరవేసింది ఈ మహా సాగరుడే కద్ రాజేశ్వరి గారు..

      ~శ్రీ~
      శేషాద్రినిలయా శేషశయన

      Delete
    2. రాజేశ్వరీ కెవిగారు మీ స్పందనలు స్పూర్తిదాయకం...ధన్యవాదాలండీ.

      Delete
  12. ప్రేమ ఎంత మధురమో అంతే వేదన కూడా ఎడబాటైతే...మీ బాణీలో సాగిన ప్రేమ కావ్యం!

    ReplyDelete
    Replies
    1. సంధ్యగారు థ్యాంక్యూజీ

      Delete
  13. నాతో నీవు లేక మరణం నన్ను తాకనంది-heart touching

    ReplyDelete
  14. పద్మార్పితగారు నమస్కారములు.

    మీ పోస్ట్లు మీ బ్లాగ్ నాకు ప్రేరణ ఇచ్చాయి. ఎంతోకాలం నుండి రాయాలని ఇప్పుడు రాయడం మొదలుపెట్టాను.

    నన్ను ఆశీర్వదించి ఉత్సాహపరచండి. 

    ReplyDelete
    Replies
    1. నా బ్లాగ్ కు సుస్వాగతం
      మీరు బ్లాగ్ ఓపెన్ చేయడం ఆనందదాయకం.
      మంచి భావాలు రాస్తారు రాయాలని ఆశిస్తూ..Wishing you all the best.

      Delete
  15. Very nice painting
    Awesome words.

    ReplyDelete
  16. మీకు సర్వం శుభప్రదం కావాలని కోరుకుంటున్నాను.

    ReplyDelete
    Replies
    1. మహీ కొత్తగా ఈ టైప్ కమెంట్ ఏమిటో..:)

      Delete
  17. ప్రేమ పొలమరించి
    తలచుకోవడం ఎక్కువై
    ఇన్ని బాధలు అనుకుంటాను.

    ReplyDelete
    Replies
    1. తలుచుకోకపోతే మరింత తలనొప్పేమో :)

      Delete
  18. ప్రేమ ఒలకబోసారా లేక్ తిట్టారా?

    ReplyDelete
    Replies
    1. ఎవరిని తిట్టను చెప్పండి...నన్ను నేనే :)

      Delete

  19. ప్రేమ నొలక బోసారా ?
    ఓమా పద్మార్పితమ్మ ! హోయని తిట్టా
    రా? మావా యని బిల్చా
    రా? మాటలు మూగబోయె ! రమణీ యబలా !

    జిలేబి

    ReplyDelete
    Replies
    1. ప్రేమ ఒలకబోయాలన్నా
      తిట్టాలన్నా..మావ దరిలేక పోయెగదా!
      పొద్దుపోక ఇలా భావాలు రాసుకుంటూ
      మీతో పంచుకుంటూ...వందనాలు జిలేబీగారికి._/\_

      Delete
  20. గమ్యం దారినే గల్లంతు చేసే గమ్మతైనది ప్రేమ
    ప్రేమికుల మనసుల్ని గమ్మత్తుగా మాయ చేస్తుంది మీ కవిత.
    ఫోటో చాలా బాగుంది .

    ReplyDelete
    Replies
    1. ప్రేమికులు మనలోకంలో ఉండరుగా మాయచేయడానికి :)

      Delete
  21. క్షణాలు శత్రువులు అయి పగబట్టడం అంటే సమయం గడవలేదనా లేక గడిపోయిందంటారా?
    వలపు ఎప్పుడూ ఎదో విధంగా చిక్కుల్లో పడేస్తుంది...మీ భావాల్లోను మీ కవితల్లోనూ అయినా బాగుంటుందండోయ్😄

    ReplyDelete
    Replies
    1. జీవితం ప్రయాణం లాంటిది
      మానవత్వం మంచితనమనేవి పట్టాలైతే
      మనిషి జన్మ రైలు లాంటిది
      ~శ్రీ~
      పన్నగశయన పెరుమాళ్

      Delete
    2. ప్రేమ ఒక పిచ్చిది
      ఎప్పుడు ఎక్కడ ఎలా పడేస్తుందో ఎవరికి ఎరుక :)

      Delete
  22. వేదనలకు దగ్గరగా ఉండడమే అసలైన ప్రేమ.

    ReplyDelete
    Replies
    1. అంటే ఎప్పుడూ ఏడుస్తూ ఉండమనా :)

      Delete


  23. వేదనలకు దగ్గరగా
    సాధించగ మేల్కలయిక సాధ్యంబగునౌ
    శోధింపని మమతా, ప్రే
    మాదరణలు నెలతుకకు సమాశ్రయమగుచున్ !

    జిలేబి

    ReplyDelete
    Replies
    1. సాధ్యమేనంటారా :)

      Delete
  24. ఈ కవిత చదువుతుంటే bedardi balma... song గుర్తుకువచ్చింది.
    As usual pic is very nice.

    ReplyDelete
    Replies
    1. బహుకాలానికి విచ్చేసారు..ధన్యోస్మి
      మంచి సాంగ్ ని గుర్తుచేసారు.
      థ్యాంక్యూ వెరీ మచ్ నీహారికగారు.

      Delete
  25. ఎడబాటు ఇంతగా వేదిస్తుంది అనుకుని తెలిసి ఎందుకు ప్రేమించడం?

    ReplyDelete
    Replies
    1. ఎప్పుడు ఎలా పుడుతుందో తెలియనిదే ప్రేమ కదండీ ;)

      Delete
  26. మొత్తం ఈ రెండు ముక్కల్లో చెప్పేసారు
    నాతో నీవు లేక మరణం నన్ను తాకనంది
    జీవించడం చేతకాని బ్రతుకు నరకంలాగుంది

    ReplyDelete
    Replies
    1. సోదిలా చెబితే నచ్చదని :)

      Delete
  27. Fantastic love expression...బాగుంది పద్మ

    ReplyDelete
    Replies
    1. thank you sir.
      తెలుగు రాసేస్తున్నారుగా....happy to see

      Delete
  28. క్షణాలన్నీ శత్రువులై పగబట్టడం చిత్రంగా ఉంది. చిత్రం చూడ ముచ్చటగా ఉంది.

    ReplyDelete
    Replies
    1. ధ్యాంక్యూ సృజనగారు

      Delete
  29. వేదన ఇంత వ్యధలోనూ మీ పదాల్లో అందంగానే ఉంది సుమా

    ReplyDelete
    Replies
    1. ధ్యాంక్యూ... :)

      Delete