నేరమేది!?

మనిద్దరి మధ్యా ఎడబాటు మౌనంగా రోధిస్తుంటే
నీనా మధ్య పరిచయాన్ని పెంచే పరిభాషే స్పర్శ
దానికీ దూరమైతే కన్నీళ్ళు రావడం నేరం కాదు
ఏడ్చి ఇంకిన వ్యధలకు తేమలేపనం తప్పుకాదు
వలపు వాక్యాలు తిరివితిప్పి ఆనందభాష్పాలియ్యి! 

మనిద్దరి మధ్యా జ్ఞాపకాలు రాచకార్యం చేస్తుంటే 
నీనా మధ్య సంభాషణలకు అక్షరరూపమే కవిత 
దానికి స్పూర్తినిచ్చే రసస్పందన ఇవ్వనంటే నేరం    
భావజాలాలకు నిప్పు పెట్టి కాల్చివేయడం ఘోరం
యుగళసంభాషణచేసి అక్షరసునామీ సృష్టించెయ్యి!

మనిద్దరి మధ్యా రాయబారమై పదాలుపొర్లుతుంటే
నీనా మధ్య అహం తొలగించడం ఎంతో నేర్పరితనం
దానికి వాదోపవాదాలని చర్చలు జరపడం ఎందుకు
నిద్రాణ నిఘాఢత్వాలను నిద్రలేపక పద ముందుకు
కలనైనా భువనగగనాల్ని కలసికాపురం చేయనియ్యి!

21 comments:

  1. భావజాలాలకు నిప్పు పెట్టి కాల్చివేయడం ఘోరం..అద్భుతంగా వ్రాస్తూ చంపేస్తున్నాను అంటారు ఏమి? అర్థం కాలేదు. మిగతాది అంతా చాలా బాగుంది.

    ReplyDelete
  2. Fantastic Poetry
    Lovely Picture too

    ReplyDelete
  3. chaala depth meaning unna post and pic.

    ReplyDelete
  4. ప్రేమ సమన్వయనం అంటారా?

    ReplyDelete
  5. ప్రేమలో పరిపక్వత అడ్జస్టింగ్ నమ్మకంఉంటే అది అద్భుత కలయిక...Very nice

    ReplyDelete
  6. ఇరు హృదయాల నడుమ దూరాలనేవి
    చల్లని మంచువలే కరిగి కలకాలం యేరై పారాలి

    అగాధాల మాటు మౌనాన్ని సవరించి
    అన్యోన్యతకు దారి సుగమం చేయాలి

    అకలక చికలకు ఎన్ని ఇద్దరి నడుమన నిలచినా
    గోరొంక గుండె గూటిలో ఇమిడి సంతోషాలకి పునాది కావాలి

    దూరాల తీరాలైతే ఆ తీరాల వెంబడి లోతు కొలిచి
    తెప్పయో పుట్టియొ పడవో లేదంటే ఈదుకునైనా చేరువ ఖావాలి

    ముడి వేసుకునే బంధం విశిష్టతను గమనించి
    ఏడడుగులతో సాగిన పయనం చివరి మఝిలి దాక సాగిపోవాలి

    చిన చిన పొరపాట్లు సంద్రంలో ఆటుపోట్లు సహజమని గ్రహించి
    ఆలుమగలు పట్టుకున్న చేతిని వీడకుండ ఒకరికొకరై జన్మతః కలిసుండాలి

    ~శ్రీత ధరణి

    ReplyDelete
  7. So beautiful narration madam

    ReplyDelete
  8. "నిద్రాణ నిఘాఢత్వాలను నిద్రలేపక పద ముందుకు" చాలా బాగా వ్రాసారు.

    ReplyDelete
  9. prati line andagam perchina aksharalu.

    ReplyDelete
  10. bhavalni prakatinchadamlo yvidyam chupincharu. abhinandanalu

    ReplyDelete
  11. కలసిన హృదయలు ఎడబాటులో విడివడినప్పటి మాటలకు చక్కటి వాక్యరూపం కూర్చినారు.

    ReplyDelete
  12. అందమైన భావాల హరివిల్లు...

    ReplyDelete
  13. chala bagundi photo and mee poem

    ReplyDelete
  14. నిద్రాణ నిఘాఢత్వాలను నిద్రలేపక పద ముందుకు...ఈ పదాల అల్లిక నాకు భలే నచ్చేసింది.

    ReplyDelete
  15. ప్రేమ రాయబారాలు తప్పవు
    బాగుంది అమ్మా మీ ప్రేమ ప్రస్థానం
    చిత్రం కనులకు ఇంపుగా ఉన్నది.

    ReplyDelete
  16. మీ బ్లాగు పదపరిమళాలను వెదజల్లుతుంది పద్మగారు.

    ReplyDelete
  17. So amazing and beautiful your experiences and expressions...very impressive my friend.

    ReplyDelete
  18. అందరి స్పందనలకూ శతకోటివందనములు.

    ReplyDelete