కొత్తఊపిరి

కొన్ని పగలు ఏదో ఒక వ్యాపకంతో గడిపి
మెదడును మొద్దుబార్చి కాలాన్ని సాగదీసి
అలసిన శరీరాన్ని అప్పుడైనా సేద తీర్చక
ఎన్నో రాత్రులను చిరాగ్గా తరిమేస్తుంటాను!
కొన్ని ఆలోచనలకు భావాలతో సంధి కూర్చి
మనసును మౌనంగా ఉండమని మాయచేసి
అలిగి అసహ్యించుకున్న నాతోనేను మాట్లాడక
ఎన్నో జవాబులేని ప్రశ్నలకు మూలమౌతాను!
కొన్ని కోరికలకు జరుగుబాటుతో జతకమ్మని
సర్దుబాట్లతో ఆశలకి ముడికట్టి సంభోగింపజేసి
అసలు గర్భమే దాల్చని ఆశయాన్ని కదపక
ఎన్నో అసత్య బాసలతో నీడని సంస్కరిస్తాను!
కొన్ని రహస్య భిన్న రాచకార్యాలతో రంకుచేర్చి
గుట్టుగున్న గుండెకు మసిపూసి మాయ చేసి
అంతరంగాన్ని అడ్డంగానరికి ప్రతిబింబం చూడక
ఎన్నో ఉదయాలకు ఊహలద్ది ఊపిరి పోస్తాను!

23 comments:

  1. కదిలే కాలానికణుగుణంగా
    పరిస్థితుల ప్రభావానికి లోనై
    ఊపిరులు సలపక లోలోనే కార్చిచ్చు

    తెలిసి తెలియని భావోద్వేగం
    రోజులు బాగుగా ఉన్నా ఏవో క్లేషాలు
    రోజులు బాలేనపుడు కూడా సంధిగ్దత ఆవేశాలు

    దూర తీరాల పయనం జీవితం
    బంధానికి ముడివేసే కడలి తరంగం
    జన్మ దుర్లభం బంధం బలగం

    ~శ్రీ

    చివురించే ఆశలు న్యూ నార్మల్ సంకేతాలు
    కోవిడ్ విజృంభణను ధీటుగా ఎదుర్కునే సవాళ్ళు
    ఊపిరులూది వ్యాధినరికట్టే వేళ
    ప్రతినిత్యం హరినామ స్మరణ

    జరుగుబాటు వెసులుబాటు తత్తరపాటు
    భూమిపై అందరిలోను కలవరపాటు
    జన్మకు సార్థకత మంచిలోనే ఉంది
    ప్రేరణ స్ఫూర్తి ఆత్మస్థైర్యమే వెనెముక
    ఎంతటి మహమ్మారైనా ఏదో ఒకనాడు సమసిపోవును
    గుండె ధైర్యాన్ని వీడకూడదెవరైనా అంత మంచే జరుగును

    హరినామ స్మరణ సర్వజన హితకరం
    వందే తమ్ భగవతం గోవింద గరుడారూఢం

    ReplyDelete
  2. lotaina bhavalato ratri anta kusti padinatlu spashtam avutundi mee E kavita chaduvuthunte.
    Very attractive art picture.

    ReplyDelete
  3. చిత్రంలో చిన్నది ధైర్యవంతురాలని ఆమె చూపు చెబుతున్నది.
    మీ కవితలోని కధానాయకురాలు అంతకు మించిన ధీరురాలు కదా :)

    ReplyDelete
  4. ఎన్నో జవాబులేని ప్రశ్నలు సమస్యలతో సతమతం అవుతూ ఉంటారు...అవి లేనిది జీవితం లేదని అంటారు అనుభవగ్నులు.

    ReplyDelete
  5. రోజూ ఉదయాన్నే మేలుకుంటున్నాము అంటేనే కొత్త ఊపిరి పోసుకున్నట్లు కదండీ.
    కవిత మరియు చిత్రము రెండూ పోటీ పడుతున్నాయి.

    ReplyDelete
  6. ఎన్నో జవాబులేని ప్రశ్నలకు మూలమౌతాను...మీరు ఇలా వ్రాసి మరింత నచ్చేసారు.

    ReplyDelete
  7. Nice blog with amazing paintings and beautiful feelings

    ReplyDelete
  8. రహస్య భిన్న రాచకార్యాలు ఏమిటో సెలవియ్యండి.ha ha ha ah

    ReplyDelete
  9. చాలా బాగుంది
    రోజూ కొత్త ఊపిరి పోసుకుంటున్నాం

    ReplyDelete
  10. జీవితం చాలా చిన్నది. ఒకసారి పోయిన ప్రాణం మళ్ళి తిరిగిరాదు. ఉన్నప్పుడు అందరితో కలిసిమెలసి ఉండాలి. పోయేటప్పుడు వెంట ఏమీ తెసుకుని పోము మనం.

    ReplyDelete
  11. అద్భుత పదజాలంతో మెప్పించారు.

    ReplyDelete
  12. annee ekkado putti
    ikkada antam aipotuntayi
    logics problems leni life undadu.

    ReplyDelete
  13. కొన్ని రహస్య భిన్న రాచకార్యాలతో రంకుచేర్చి
    గుట్టుగున్న గుండెకు మసిపూసి మాయ చేసి
    awesome wordings andi..kudoos

    ReplyDelete
  14. గుట్టుగున్న గుండెకు మసిపూసి మాయ మీరే నా చేసింది?
    ఇది అందరికీ సాధ్యం కాని పని కదండీ...

    ReplyDelete
  15. అక్షరాలకు కొత్తఊపిరి పోసినట్లు ఉంది.

    ReplyDelete
  16. సర్దుబాట్లతో ఆశలకి ముడికట్టి సంభోగింపజేసి
    అసలు గర్భమే దాల్చని ఆశయాన్ని కదపక
    ఎన్నో అసత్య బాసలతో నీడని సంస్కరిస్తాను
    పద్మర్పిత పదాలు ఎక్కడికో తీసుకుని వెళతాయి

    ReplyDelete
  17. chaalaa nachchindi
    inchuminchu naa bhaavaalea.

    ReplyDelete
  18. అందరికీ పద్మార్పిత అభివందనములు_/\_

    ReplyDelete
  19. కొత్త పదాలతో అద్భుతమైన నిర్వచనం చెప్పారు.

    ReplyDelete
  20. ఎలా ఉన్నారు?
    అంతా క్షేమమేనా?

    ReplyDelete