చెలికాని మది చెరకు కన్నా తియ్యనంటే
చీల్చితినడం కన్నా చేదే నయమన్నది!
చెలీ నీకు నేను గొడుగునౌతానంటే
జడివాన జల్లులో తడవడం ఇష్టమన్నది!
అతని మనసున బంధీవై ఉండమంటే
విశాల ప్రపంచంలో విహంగాన్ని నేనన్నది!
ఆమె వేసిన అడుగుని పెదవి తాకిమట్టంటుకుంటే
ముద్దాడబోయిన పెదవులను మట్టివాసనన్నది!
రంగుల కుంచెతో జీవితాన్ని రంగరిస్తానంటే
తెలుపు తప్ప తనకి వేరేది తెలుపవద్దన్నది!
రాగరంజమై తనలో లీనమై పోదామనుకుంటే
కర్ణభేరికి అన్నీ కన్నాలే వున్నాయన్నది!
ప్రతిదానికి ఇలా ఏదో ఒక వంక పెడుతుంటే
అతనిలోని ప్రేమ ఆమెకు ఎలా తెలిసేది!
