??????

ఆనందంగా ఉంటే ఓర్వలేదు ఈ లోకం
ఈ లోకానికి ఎందుకో ఈ మాయరోగం?

ప్రేమించే మనసులో నాటుతుంది ద్వేషబీజం
అది ఎదుగుతుంటే చూసి ఎందుకో అంత ఆనందం?

మాటల ముళ్ళని గుచ్చి చేస్తుంది మదిని గాయం
ఎందుకని ఆశిస్తుంది ఎదుటివారి నుండి పూలహారం?

గాయమై రోధిస్తున్న వారిని చూస్తే అదో చోద్యం
ప్రాణం వీడిన దేహానికెందుకో అభ్యంగనస్నానం?

తప్పును సమర్ధించుకుని క్షమను కోరే మనం
ఎదుటివారిలో తప్పునెంచి ఎందుకు శిక్షించడం?

అందరిలోను కొలువై ఉన్నాడు కదా దైవం
మరెందుకని గుడి-గోపురాల్లో ఆ నైవేద్యం?