వానా వచ్చేయ్...

 సందేశమే నిన్ను తాకి తనువు తడిసేలా
మట్టివాసనతో మనుషులు పులకరించేలా
వేడెక్కిన రాతి హృదయాలు చల్లబడేలా...
మేఘమా కనికరించి జల్లు కురిపించరాదా!

పల్లె పట్టణాలన్న భేధాలు మరచి దారిమళ్ళి
గుడిసెలోనా గోపురం పైనా వానజల్లులా వెళ్ళి
తడారిన నదీబావుల దాహం తీర్చు మళ్ళీ...
మబ్బులు మనుగడకే మిత్రులని తెలుపరాదా!

నృత్యం చేసేటి నెమలి రెక్కలే అలసిపోయె
కప్పలేమో బెక బెకమని సొమ్మసిల్లిపోయె
వానపాములే తడిలేక ఎండి పుల్లలాయె...
మెరుపులో మమకారాన్ని కుక్కి కురవరాదా!

పొలంలో ఎదురు చూసే రైతు నడుము విరిగి
నాగళ్ళు సమ్మె చేయగా ముళ్ళపొదలు పెరిగి
ఉరుములకి ఉలిక్కిపడే పడుచులేమో తరిగి...
మేఘాలు మొండివన్న నిందేల కురిసేయరాదా!

 
  

17 comments:

  1. వర్షాన్ని ప్రేమగా పిలచినారు.
    పిక్ నచ్చింది.

    ReplyDelete
  2. barish jaruur ayega..

    ReplyDelete
  3. బీటలు వారిన నేల నీకు కానరాకున్నదా వరుణ
    చిటపట చినుకులు కురిపింపగా లేదా మా పై కరుణ
    ఐతే అతివృష్టి లేదా అనావృష్టి కలగదా జాలి దయా
    ఉరుములతో మెఱుపులతో వాననీటి మేఘాలతో రావయా

    జోరు వర్షాలకు ఆషాఢం ఢాంఢామంటు ఢంక
    చినుకులకై చూసే ప్రతి ప్రాణి ఆకాశం వంక

    నైరుతి ఋతుపవనాలకు తగదు నత్త నడక
    రోజు విడిచి రోజు మంచినీళ్ళు వచ్చేనిక

    బారిష్ కా మౌసం ఆనే కో హై
    మగర్ ఇత్ని దేరి క్యోఁ హై
    భీగి జమీఁ తో బాదల్ ఖుష్ హో జాయే
    బాదలోఁ కో దేఖ్ కర్ మాయూసి ఖో జాయే

    గమనిక: ఇక్కడైతే మూడు రోజులనుండి (ఇంక్లుడింగ్ టుడే) ఎడతెరిపి లేకుండ వానలు కురుస్తు మశకాలను వృశ్చికలను బయిట ప్రపంచానికి పంపుతు హడల్ పుట్టిస్తున్నాయి పద్మ గారు..

    బాగుంది మీ వాన కవిత.. మండుకాల బెకబెకతో మండుటెండ నుండి ఉపశమనం కలగాలని..!

    ~శ్రీ~
    గోవర్ధనోద్ధార గోవింద

    ReplyDelete
  4. వ్రాయడం తరువాయె
    కురవడం మెదలాయె

    ReplyDelete
  5. పర్యావరణ పంధాలో పద్యాన్ని పండించారు అందుకే ఇక్కడ వానలు. బొమ్మ వెరైటీగా ఉంది.

    ReplyDelete
  6. నృత్యం చేసేటి నెమలి రెక్కలే అలసిపోయె
    కప్పలేమో బెక బెకమని సొమ్మసిల్లిపోయె
    వానపాములే తడిలేక ఎండి పుల్లలాయె...పశుపక్షాదుల పై మమత

    ReplyDelete
  7. వానలు కురిసే తడిసేయి

    ReplyDelete
  8. Beautiful mausam in poetry

    ReplyDelete
  9. వాన వచ్చి ఆనందం వెల్లివిరిసినట్లుంది మీ కవితతో.

    ReplyDelete
  10. It's already raining mam

    ReplyDelete
  11. మీ పాత వాటికి భిన్నంగా ఉంది కవిత.

    ReplyDelete
  12. అయ్యో అయ్యో అయ్యయ్యో
    మీకు వానలు పడ్డంలేదా
    కుండపోత వర్షం ఇక్కడ..

    ReplyDelete
  13. వానని మీరు వలచి పిలిచినట్లున్నారు బాగుంది.

    ReplyDelete
  14. Again dont write...rain rain go away.

    ReplyDelete
  15. ఇంగ్లీసోల్ పోటో బెట్టుడెందుకు?:)

    ReplyDelete
  16. కురుస్తున్న వానలో తడుస్తున్నారా :)

    ReplyDelete
  17. అందరికీ ధన్యవాదాలు _/\_

    ReplyDelete