ఏదో ఆశా..

నిరాశావేదం వదన్నకొద్దీ వెంటాడి వేదిస్తుంటే
కవ్వించే కమ్మని కల్లబొల్లి కబుర్లు ఏంచెప్పను

ఆశల అంకురార్పణకి ఆదిలోనే చెదలు పడితే 
ఆశయాలనే రెమ్మలతో పూయమని ఏంకోరను

ఆవిరైన కన్నీట పెదవులు ఆరిపోయి పగిలితే
ఆనందం ఆమడదూరంలో ఉందని ఏంచూడను

నిజాలన్నీ నిర్వికారంగా నవ్వి బేలగా చూస్తుంటే 
మంచికాలముందని అబద్ధపు భరోసా ఏమివ్వను

అక్కరకురాని ఆవేశం అదునుచూసి మరీ ఆడితే
అదుపు తప్పవద్దని అంతరంగాన్ని ఎలా ఆపను

అహర్నిశలూ ఆలోచనలతో మెదడు తపనపడితే
అద్భుతమే జరిగేనని వెర్రీఅశతో ఎదురుచూస్తాను!