వ్యధ కానుక!

కుదిరితే నీ మనసు చెప్పింది విను
లేదంటే నన్ను మౌనంగా ఉండమను
వ్యధను సంతోషమని ఎలా అనగలను
నవ్వడానికి ఏం ఎలాగోలా నవ్వేస్తాను!

విరబూయించడానికి తోటలోని పూలను
లేని ప్రేమని తోటమాలిలో కలిగించలేను
నవ్వుతున్న ముఖంలో దాగిన బాధను
రాతిగుండెని కన్నీటితో కడిగెలా చెప్పను!

ఒకరి నొప్పి ఇంకొకరినెలా భరించమనను
ఆ బాధ వేరొకరికి కలగాలని శపించలేను
కన్నీటిలో వ్యధలని కొట్టుకుపొమ్మన్నాను
ఏదో ఇలా సరిపుచ్చుకుని తృప్తిపడతాను!

అందమైన కల ఒక్కటైనా చూడని నేను
సంతోషకరమైన ఊహలేం ఊహించుకోను
ఏ విధంగానూ తృప్తి పరచలేకపోయాను
అందుకే నువ్విచ్చేది ఏదైనా స్వీకరిస్తాను! 

21 comments:

  1. వర్షంలో ఏడిస్తే కన్నిరు కనబడదు అలాగే బాధలను నవ్వుతో కప్పేసినట్లు చెప్పడం బాగుంది. చిత్రం చక్కగా నప్పింది.

    ReplyDelete
  2. వ్యధలని కానుకగా ఇవ్వడం స్వీకరించడం మీకే చెల్లు.

    ReplyDelete
  3. వ్యధలను తూట్లు లేని తుపాకీతో కాలుస్తుంది కామోసు కొందరి జీవితాల్లో.

    ReplyDelete
  4. చిత్రం వ్యధను మొత్తం నవ్వుతూ చెప్పింది.

    ReplyDelete
  5. या दिलकी सुनो दुनियावालो
    या मुझको अभी चुप रहनेदो
    मै गमको खुशी कैसे कद्दू
    जो कहते है उनको कहने दो

    ReplyDelete
  6. మనసు చెప్పిన మాట విని నడుచుకుందాము అంటే వెధవ మనసు మాట వినదు. మీరు మనసు మాట వినమంటున్నారు.

    ReplyDelete
  7. మానవ సంబంధాలు, జీవన వ్యధలు, లోకం తీరుతెన్నులు అన్నీ విచిత్రం.
    మనం ఎంత మార్చలి అనుకున్నా వేటినీ మార్చలేము సరి కదా మరింత వ్యధలు పెంచుకుంటాము.

    ReplyDelete
  8. ఎద ఎదకు ఎన్నెన్నో కథలు

    ప్రతికథకు మరెన్నో వ్యధలు

    కథ మార్చేదెవరు వ్యధ తీర్చేదెవరు?

    రాయి తగిలితే నొప్పిరానిదెవ్వరికి

    గుండె పగిలితే కన్నీరు పొంగనిదెందరికి

    జీవితమన్నాక కష్టం రాకుండాఉంటుందా

    ఓ సుఖం వచ్చి ఆ కష్టాన్ని కష్టపెట్టకపోతుందా

    ReplyDelete
  9. శరీరానికి గాయమయితే రక్తధారలు
    హృదయానికి గాటుపడితె దుఃఖధారలు

    ReplyDelete
  10. Simply touching heart

    ReplyDelete
  11. మది నదిలో ఎన్నో భావాలు పరిగెడుతుంటే ఎన్నెన్నో రాగాలు..కలల అలలతో తడిసేటి ప్రేమచినుకులు. పాలనురుగులు కక్కుతూ మనసు చిందించేను హాస్యపు జల్లులు..అవ్వే కదా వ్యధ బహుమతులు.

    ReplyDelete
  12. బాధను దిగమింగలేక ఏమిచేయ్యాలో పాలుపోయక మునుపటిలా ఉండలేక మనసంతా కలవర పడుతుంటే ఊపిరాడక మిగిలిన భావాలు ఇలా మీ కవితలో ప్రతిబింబంలా కనబడుతున్నది నాకు. బొమ్మ చాలా బాగుంది.

    ReplyDelete
  13. కొన్నిసార్లు మనసు చెప్పింది వింటే మసైపోతాం-వినీ వినట్లు వదిలేసుకోవాలి.

    ReplyDelete
  14. సామాన్యంగా మనుషుల్లో చాలా మంది మనసులో అనుకునేది ఒకటి, పైకి చెప్పేది మరొకటి ఉంటుంది. అదే లౌక్యం-

    ReplyDelete
  15. మీరు వ్యధలు పండించడం దిట్ట 😊

    ReplyDelete

  16. అందమైన కల ఒక్కటైనా చూడని నేను
    సంతోషకరమైన ఊహలేం ఊహించుకోను...అసలు కలలను కనదమే తప్పు వాటిని నమ్ముకోవడం మరో తప్పు పద్మార్పిత.

    ReplyDelete
  17. మనసు పొరలని తట్టేలేపుతున్న ప్రేమ వ్యధ.

    ReplyDelete
  18. నవ్వడానికి ఎలాగోలా నవ్వేస్తాను..yes niiam.

    ReplyDelete
  19. వర్షంలో ఏడ్చినా కనబడదు.
    అవి గుర్తించిన వారే కరెక్ట్ ఫ్రెండ్స్

    ReplyDelete
  20. ఒకరి నొప్పి ఇంకొకరినెలా భరించమనను-ఆ బాధ వేరొకరికి కలగాలని శపించలేను-సున్నిత హృదయం అంతేనేమో

    ReplyDelete